FT: рэкламадаўцы вяртаюцца ў X, каб задобрыць Маска — цяпер чыноўніка Трампа
Найбуйнейшыя рэкламадаўцы збіраюцца вярнуцца на платформу пасля адмовы размяшчаць рэкламу праз спрэчныя выказванні ўладальніка сацсеткі — Ілана Маска.
Паводле даных Financial Times, брэнды зноў рыхтуюцца размясціць рэкламу ў сацсетцы з улікам той уплывовай ролі, якую пачаў граць яе ўладальнік пасля перамогі Дональда Трампа на прэзідэнцкіх выбарах у ЗША.
На думку дырэктара AJL Advisory Лу Паскаліса, рэкламадаўцы, верагодна, імкнуцца дамагчыся «прыхільнасці» Маска, які разам з бізнэсменам Вівекам Рамасвамі ўзначаліць федэральнае ведамства па павышэнні эфектыўнасці ўрада.
Як заявіў адзін з апытаных кіраўнікоў рэкламных агенцтваў, цяпер X «можна разглядаць як афіцыйны канал камунікацый Белага дома».
Раней даходы платформы рэзка ўпалі пасля набыцця кампаніі Маскам за $44 мільярды. Цяпер актуальны кошт сацсеткі складае менш за $10 мільярдаў. Размяшчаць рэкламу перасталі Walt Disney, Apple, IBM і іншыя буйныя кампаніі.
Читать на dev.by