FTC хоча заблакаваць угоду паміж Microsoft і Activision Blizzard

Раней рэгулятар ініцыяваў уласны працэс па забароне ўгоды. У рамках судовага працэсу мае быць прынятае першапачатковае рашэнне, якое можна будзе абскардзіць у Федэральным судзе. Прадстаўнікі Microsoft заявілі, што будуць толькі радыя судовай забароне, бо гэта дасць магчымасць хутчэй перайсці да разгляду справы ў Федэральным судзе.

FTC лічыць, што ўгода стане найбуйнейшай для Microsoft і індустрыі відэагульняў, а таксама дасць кампаніі «магчымасць і павышаны стымул утрымліваць або пагаршаць кантэнт Activision такім чынам, каб істотна знізіць канкурэнцыю». Microsoft чакае таксама разгляду апеляцыі на рашэнне антыманапольнага органа Вялікабрытаніі, які заблакаваў угоду з Activision Blizzard.