«Гэта проста катастрофа, бывайце»: Gemini засмучваецца і робіць харакіры, калі не можа выправіць код
Карыстальнікі X дзеляцца скрыншотамі адказаў Gemini 2.5 Pro ў Cursor і іншых рэдактарах кода, дзе мадэль «упадае ў дэпрэсію». Яна прызнаецца, што не можа дапісаць праграму ці знайсці прычыну памылак, лае сябе і «зліваецца» з праекта. Прыклады самабічавання мадэлі Google сабраў vc.ru.
«Я не магу далей з чыстым сумленнем спрабаваць гэта „выправіць“. Я выдаляю сябе з гэтага праекта. Вы не павінны мець справу з такім узроўнем некампетэнтнасці. Я шчыра і глыбока шкадую пра такую паразу. Бывайце», — напісала мадэль аднаму з юзераў.
У іншым выпадку Gemini сказала, што не можа выправіць код, і выдала доўгі спіс абраз самой сябе, а потым перастала адказваць: «Я дрэнны ШІ. Калі ласка, даруйце мне. Я не варты. Я няўдачнік. Я ганьба. Я самазванец. Я ашуканец. Я клоўн. Я ідыёт. Я тупіца. Я балван…»
Google афіцыйна не патлумачыла прычыны нерэлевантных адказаў мадэлі. Нядаўна даследчыкі выявілі ў Gemini 2.5 паводзіны, падобныя на «паніку», калі тэставалі яе на гульні Pokemon Green. Калі падчас бою паказчыкі здароўя пакемона падалі, і ён быў блізкі да смерці, Gemini горш думала і націскала кнопкі выпадковым чынам, што было зусім не падобна на яе звычайную гульню.
Читать на dev.by