Gemini стала лепш кодзіць — і абышла ўсе мадэлі OpenAI

Google улічыла водгукі карыстальнікаў пра папярэднюю версію Gemini 2.5 Pro, удасканаліўшы стыль і структуру адказаў мадэлі. Цяпер, як сцвярджае кампанія, мадэль здольная генерыраваць «больш крэатыўныя і лепш адфарматаваныя адказы». Абнаўленне накіраванае на ліквідацыю рэгрэсій, выяўленых у папярэднім рэлізе, каб вярнуць прадукцыйнасць на ўзровень сакавіцкага абнаўлення (03-25).

Новая версія, па заяве Google, яшчэ лепш спраўляецца з генерацыяй кода, дасягнуўшы рэкорднага выніку 82,2% у тэсце Aider Polyglot. Гэта пераўзыходзіць лепшыя паказчыкі мадэляў OpenAI, Anthropic і DeepSeek з прыкметным адрывам. Мадэль стане агульнадаступнай праз «пару тыдняў» і ўжо сёння з’явілася на платформах для распрацоўшчыкаў AI Studio і Vertex AI, а таксама ў аплікацыі Gemini.

«[Gemini 2.5 Pro] працягвае лідзіраваць у праграмаванні, паказваючы лепшыя вынікі ў складаных тэстах па кадаванні, — заявіла Google у блогу. — Яна таксама дэманструе найвышэйшую прадукцыйнасць у надзвычай складаных тэстах, што ацэньваюць здольнасці мадэлі ў матэматыцы, навуцы, ведах і лагічным мысленні».

Google актыўна выкарыстоўвае рэйтынгі платформаў LMArena і WebDevArena, дзе карыстальнікі параўноўваюць адказы мадэляў усляпую. Gemini 2.5 Pro дэбютавала сёлета з найвышэйшым рэйтынгам на LMArena, што сведчыць пра перавагу карыстальнікаў яе адказам у параўнанні з іншымі буйнымі мовамі мадэлямі. У новым рэлізе Google павялічыла сваю перавагу, набраўшы дадатковыя 24 балы Elo на LMArena і 35 балаў на WebDevArena, умацаваўшы лідарства ў абодвух рэйтынгах.