Nvidia стала першай у гісторыі кампаніяй, чыя рынкавая капіталізацыя перавысіла $5 трлн, паведамляе Reuters. Рост каціровак чыпмейкера падаграе бум у сферы штучнага інтэлекту і працягваецца нягледзячы на тое, што Кітай забараніў сваім тэхнакампаніям закупляць яго чыпы.
Nvidia стала першай у гісторыі кампаніяй, чыя рынкавая капіталізацыя перавысіла $5 трлн, паведамляе Reuters. Рост каціровак чыпмейкера падаграе бум у сферы штучнага інтэлекту і працягваецца нягледзячы на тое, што Кітай забараніў сваім тэхнакампаніям закупляць яго чыпы.
Выданне адзначае, што кампанія вельмі хутка ператварылася з нішавага пастаўшчыка графічных працэсараў у цяжкавагавіка сусветнай ШІ-індустрыі. З моманту рэлізу ChatGPT у 2022 годзе яе акцыі падаражэлі ў 12 разоў, індэкс S&P 500 таксама дасягнуў небывалых вышынь. Настолькі імклівы рост прымусіў многіх эканамістаў і гульцоў галіны ўсур’ёз занепакоіцца аб ШІ-бурбалцы і наступствах, якія надыдуць, калі яна лопне.
Адзнаку ў $4 трлн тэхнагігант пераадолеў у пачатку ліпеня. У тым жа месяцы яе дакранулася Microsoft, але неўзабаве адкацілася да $3,9 трлн, а учора зноў узяла планку. Таксама $4 трлн учора пераадолела Apple, але надоўга замацавацца на гэтым рубяжы не здолела і зараз каштуе $3,98 трлн.
Пры гэтым аналітыкі Hargreaves Lansdown кажуць, што рынак недаацэньвае маштаб магчымасцей, а інвестыцыі ў Nvidia называюць адным з лепшых спосабаў зарабіць на тэме ШІ.
Акцыі Nvidia выраслі на 4,6% пасля шэрагу анонсаў, які замацоўваюць лідэрства кампаніі ў ШІ. У прыватнасці, яна расказала аб планах прадаць ШІ-чыпаў на $500 млрд і пабудаваць сем суперкамп’ютараў для амерыканскага ўрада.
Релоцировались? Теперь вы можете комментировать без верификации аккаунта.
дутая капитализация то ;)
Хорошо, если сдуется потиху.