Алеся Чапкевич world 2 кастрычніка 2025, 16:15

Генеральны дырэктар LinkedIn кажа, што хутка будуць патрэбны не дыпломы, а вось гэтыя якасці

Дыплом прэстыжнага ўніверсітэта больш не будзе такой перавагай на рынку працы, як зараз. Пра гэта заявіў кіраўнік LinkedIn Раян Расланскі падчас сустрэчы ў офісе кампаніі ў Сан-Францыска.

8 каментарыяў

Генеральны дырэктар LinkedIn кажа, што хутка будуць патрэбны не дыпломы, а вось гэтыя якасці

Дыплом прэстыжнага ўніверсітэта больш не будзе такой перавагай на рынку працы, як зараз. Пра гэта заявіў кіраўнік LinkedIn Раян Расланскі падчас сустрэчы ў офісе кампаніі ў Сан-Францыска.

Па яго словах, у хуткім часе паспяховымі на рынку працы будуць не ўладальнікі самых бліскучых дыпломаў, а тыя, хто ўмее адаптавацца, прагрэсіўны, гатовы вучыцца і выкарыстоўваць новыя ШІ-інструменты.

Паводле мінулагодняга апытання Microsoft, 71% кіраўнікоў выберуць менш дасведчанага кандыдата з навыкамі працы з ШІ, чым больш дасведчанага, але без іх. Па дадзеных LinkedIn, колькасць вакансій, дзе патрабуецца ўменне працаваць з ШІ, вырасла прыкладна на 70% за год.

Галоўны эканаміст LinkedIn Карын Кімброў назвала «адаптыўнасць новай валютай». Яна падкрэсліла, што ШІ змяняе не толькі набор запатрабаваных навыкаў і структуру працоўных месцаў, але і падыход працадаўцаў да пошуку персаналу.

Пры гэтым Расланскі ўпэўнены, што ШІ не заменіць людзей наўпрост. Па яго словах, «людзі, якія выкарыстоўваюць ШІ, заменяць тых, хто гэтага не робіць». Але нягледзячы на важнасць лічбавых навыкаў, не менш значнымі застаюцца міжасобасныя якасці. «Эмпатыя, камунікацыя, здольнасць адаптавацца, уменне проста пагаварыць з чалавекам — не забывайцеся пра гэта. Гэтыя навыкі крытычна важныя для поспеху», — дадаў ён.