«Гэта не крута»: Маск купіў ноўтбук з Windows і незадаволены патрабаваннямі Microsoft

«Толькі што купіў новы ноўтбук, але не магу ім карыстацца, пакуль не ствару рахунка Microsoft, што таксама азначае даць іх штучнаму інтэлекту доступ да майго камп’ютара! Гэта няправільна. Раней была магчымасць прапусціць стварэнне або ўваход у рахунак Microsoft. Вы таксама з гэтым сутыкаецеся?» — пацікавіўся бізнэсовец. Прапанаваныя падпісантамі абыходныя шляхі ў яго не спрацавалі.

У іншым пасце ён працытаваў сябе і дадаў, што «гэта не крута з боку Microsoft». А яшчэ ў адным заявіў, што ўжо напісаў з гэтай нагоды гендырэктару кампаніі Сацье Надэлу.

Хтосьці прапанаваў Маску проста купіць Microsoft — відаць, каб усталёўваць свае правілы, як у выпадку з Twitter.