Аддзел навін 9 лістапада 2022, 10:30

Gismart афіцыйна адкрыла афлайн-офіс у Варшаве

Беларуска-брытанскі мабільны распрацоўшчык і паблішар Gismart афіцыйна адкрыў офіс у Варшаве. Ён стане новай сталай еўрапейскай базай для ўсіх працаўнікоў кампаніі, акрамя супрацоўнікаў штаб-кватэры ў Лондане.

3 каментарыя

Беларуска-брытанскі мабільны распрацоўшчык і паблішар Gismart афіцыйна адкрыў офіс у Варшаве. Ён стане новай сталай еўрапейскай базай для ўсіх працаўнікоў кампаніі, акрамя супрацоўнікаў штаб-кватэры ў Лондане.

У варшаўскім офісе на сталай аснове ўжо працуюць 40+ супрацоўнікаў. Усяго ў Польшчы на цяперашні час знаходзіцца каля чвэрці працаўнікоў Gismart з 300. Таксама частка каманды працуе ва Украіне, Партугаліі і Вялікабрытаніі, чвэрць супрацоўнікаў засталася ў Беларусі.

Gismart не агучвала планаў развіцця мінскага офіса. У той жа час кампанія плануе пашырыць штат у Польшчы і іншых краінах Еўрасаюза. Цяпер паблішар шукае новых супрацоўнікаў на пазіцыі Project Manager, Senior Product Owner, UA Manager. На сайце для суіскальнікаў адкрыта 5 вакансій.

Сёлета Gismart адкрыла некалькі карпаратыўных хабаў у Еўропе і абвясціла пра пераход на фармат працы Remote First. Таксама кампанія абнавіла сваю рэлакацыйную праграму.

Ад чэрвеня ўсе супрацоўнікі кампаніі могуць працаваць з дому або ў адным з даступных офісаў. У сацпакет уключаная частковая кампенсацыя каворкінгаў для супрацоўнікаў, якія знаходзяцца ўдалечыні ад карпарацыйных цэнтраў. Пры пераездзе ў Польшчу і Партугалію кампанія дае поўную дакументальную і інфармацыйную падтрымку і кампенсуе курсы для хуткай адаптацыі ў новай краіне.

Раней кампанія анансавала адкрыццё хаба ў Партугаліі (такія ёсць у Польшчы і Грузіі). У Gismart удакладнілі, што на гэты момант супрацоўнікі працуюць у лакацыі аддалена з дому альбо з каворкінгаў.

Галаўны офіс Gismart знаходзіцца ў Лондане. У партфелі кампаніі 60+ гульняў і праграм, агульная колькасць запамповак большая за 1 мільярд.

У парасоністую структуру брэнда ўваходзяць 5 падбрэндаў, якія падаюць розныя групы прадуктаў: Loud Apps (music and utilities праграмы), Wellness (wellness партфоліа з флагманскай праграмай Luvly), Woofz (праграма для гаспадароў сабак, якая прапаноўвае шэраг навучальных курсаў па дрэсіроўцы), геймдэў-студыя Flime (казуальныя гульні), Superinstant (сацыяльныя анлайн-гульні).