Алеся Чапкевич world 7 жніўня 2025, 13:59

GitHub зліў новыя ШІ-мадэлі OpenAI за некалькі гадзін да рэлізу

Сёння ў 20 гадзін па мінскім часе OpenAI павінна прэзентаваць GPT-5. Але незадоўга да афіцыйнага рэлізу інфармацыя аб новай ШІ-мадэлі з’явілася на GitHub. Пост быў аператыўна выдалены, але карыстальнікі Reddit паспелі ўсё захаваць, піша The Verge.

Пакінуць каментарый

GitHub зліў новыя ШІ-мадэлі OpenAI за некалькі гадзін да рэлізу

Сёння ў 20 гадзін па мінскім часе OpenAI павінна прэзентаваць GPT-5. Але незадоўга да афіцыйнага рэлізу інфармацыя аб новай ШІ-мадэлі з’явілася на GitHub. Пост быў аператыўна выдалены, але карыстальнікі Reddit паспелі ўсё захаваць, піша The Verge.

З паведамлення вынікае, што GPT-5 будзе даступна ў чатырох версіях са значна палепшанымі магчымасцямі ў лагічных разважаннях, якасці кода і зносінах з карыстальнікамі.

Адзначалася, што GPT-5 валодае «пашыранымі агентнымі магчымасцямі» і можа выконваць «складаныя задачы па праграмаванні з мінімальнымі падказкамі».

У пасце згадваліся такія версіі GPT-5:

gpt-5 — для апрацоўкі лагічных і шматэтапных задач;
gpt-5-mini — аблегчаная версія для аплікацый;
gpt-5-nano — версія, аптымізаваная для павышэння хуткасці апрацоўкі запытаў у аплікацыях з нізкай затрымкай;
gpt-5-chat — для зносін на натуральнай мове, мультымадальных і кантэкстна-залежных дыялогаў у карпаратыўных аплікацыях.

У мінулым месяцы медыя даведаліся, што OpenAI збіраецца запускаць некалькі версій ШІ-мадэлі GPT-5, якія будуць даступныя праз яе API. На гэтым тыдні OpenAI пацвердзіла, што анонс адбудзецца ўжо сёння.