Google запусціла ШІ-кодэра Jules

Jules пабудаваны на базе Gemini 2.5 Pro. Гэта асінхронны ШІ-агент для праграмістаў, які працуе з рэпазіторыямі GitHub на воблачных віртуальных машынах. Ён аўтаматызуе выпраўленне памылак, напісанне тэстаў, абнаўленне залежнасцяў і стварэнне новых функцый, спрашчаючы распрацоўку і забяспечваючы прыватнасць кода.

Разам з паўнавартасным рэлізам кампанія ўвяла тарыфікацыю для Jules. Бясплатны тарыф абмежаваны 15 задачамі ў дзень і трыма адначасовымі працэсамі — у бэта-версіі ліміт быў 60 задач. Платныя тарыфы ўключаны ў Google AI Pro ($19,99 у месяц) і Ultra ($124,99 у месяц), па іх прапануецца ў 5 і 20 разоў больш магчымасцяў адпаведна. Таксама кампанія зрабіла больш празрыстай палітыку канфідэнцыйнасці Jules: цяпер выразна паказана, што дадзеныя з публічных рэпазіторыяў могуць выкарыстоўвацца для навучання ШІ, а з прыватных — не.

Jules адрозніваецца ад іншых ШІ-кодараў асінхроннай працай: можна даць яму задачу і закрыць камп’ютар, а агент працягне выконваць яе ў фонавым рэжыме. Таксама паглыбленая інтэграцыя з GitHub — інструмент навучыўся аўтаматычна ствараць пул-рэквесты — і дададзена функцыя Environment Snapshots для захавання здымкаў залежнасцяў і скрыптаў.

Google выкарыстоўвае Jules у некаторых унутраных праектах і збіраецца актыўна ўкараняць яго ў іншыя працоўныя працэсы.

ШІ-інструмент для кодэраў, ШІ-агент, генератары малюнкаў і відэа: галоўныя анонсы Google I/O 2025

Па тэме

ШІ-інструмент для кодэраў, ШІ-агент, генератары малюнкаў і відэа: галоўныя анонсы Google I/O 2025

Сацсеть Трампа ўкараняе пошукавы рухавік на базе Perplexity

Па тэме

Сацсеть Трампа ўкараняе пошукавы рухавік на базе Perplexity