У ЕРАМ плацяць ніжэй за рынак, але для РБ і гэта норм. Што пішуць працаўнікі на Glassdoor у 2024 (Частка 1)

Ніжэй — кароткая вытрымка каментароў ад мясцовых спецыялістаў са студзеня гэтага года. Рэйтынгі дадзеныя на аснове ацэнак ва ўсім свеце, а ў дужках — ад супрацоўнікаў з Беларусі. Тут можна паглядзець, што пісалі айцішнікі на Glassdoor 5 гадоў таму.

Водгукі суб’ектыўныя, часам супярэчлівыя і ўяўляюць сабой асабістыя думкі каментатараў Glassdoor. Некаторыя кампаніі ўжо сышлі з Беларусі або замарозілі найманне ў краіне.

EPAM

Рэйтынг: 4,1 на аснове 7490 водгукаў (3,9 — на аснове 32 водгукаў сёлета).

Сярод плюсаў:

• добрае месца для спецыялістаў junior-узроўню, «тут можна атрымаць досвед працы»;
• магчымасці для прафесійнага росту;
• адладжаныя працэсы;
• шмат ільгот і бенефітаў;
• медстрахоўка;
• шмат праектаў, што дазваляе мяняць ролі, каманды і тэхналагічныя стэкі; 
• аптымальны баланс паміж працай і асабістым жыццём;
• карпаратыўная культура;
• «цудоўныя людзі і атмасфера», «працуе шмат моцных тэхнічных спецыялістаў»;
• бясплатная вучэбная платформа з вялікай колькасцю курсаў;
• добрыя курсы англійскай мовы;
• аддаленая праца;
• падтрымка пры пераездзе;
• «стабільнасьць»;
• добрыя праекты;
• «кампанія клапоціцца пра супрацоўнікаў, імкнучыся звесці да мінімуму звальненні ў складаны перыяд для галіны».

Сярод мінусаў:

• заробак «ніжэйшы за рынак», «нізкі», «але для Беларусі нармальна»;
  «магчымасцяў для прасоўвання мала»;
• складана змяніць праект;
• «рэдка ацэньваюць прадукцыйнасць»;
• бюракратыя;
• «даводзіцца авертайміць»;
• «вельмі лёгка захраснуць ва ўласнай „бурбалцы“, у сваёй зоне камфорту, у састарэлым стэку тэхналогій, што тыпова для любой буйной кампаніі»;
• «неактуальны тэхналагічны стэк»;
• «немагчыма прыняць ніякія тэхнічныя або архітэктурныя рашэнні, паколькі іх заўсёды прымаюць кліенты»
• «вам можа не пашанцаваць з кіраўніком — і гэта адаб’ецца на вашай зарплаце (хоць гэта не мой досвед)»;
• «гэта карпарацыя з іерархіяй — незразумела, як расці. Як супрацоўнік вы цалкам залежыце ад свайго рэсурснага менеджара і не можаце зрабіць амаль нічога, каб змяніць нешта. Палітыка кампаніі палягае ў тым, каб плаціць як мага менш і не прасоўваць па службе — такое ў мяне склалася ўражанне».

Itransition

Рэйтынг: 4,0 на аснове 220 водгукаў (4,1 — на аснове 9 водгукаў сёлета).

Сярод плюсаў:

• людзі, «прыязны калектыў»;
• працэсы; 
• ESG — экалагічнае, сацыяльнае і карпаратыўнае кіраванне; 
• праекты; 
• «магчымы пераход» [з праекта на праект];
• добрая працоўная атмасфера;
• «усё залежыць ад праекта, ад аддзела. Калі трапіш у добры дружны калектыў, гэта дасць вялікі штуршок для развіцця тваёй кар’еры»;
• «добры заробак для Беларусі, калі ў вас ёсць навыкі вядзення перамоў»; 
• «цалкам аддаленая праца (з любой краіны, якая не патрабуе візавай падтрымкі)»;
• «добрае месца для пачатку кар’еры і атрымання досведу ў розных тэхналогіях»: 
• «шмат працы з AWS і Azure»;
• шмат магчымасцяў для кар’ернага росту;
• «навучальны матэрыял, каб пачаткоўцы хутчэй адаптаваліся».

Сярод мінусаў:

• «не вельмі шчодрая сацыяльная палітыка»;
• «аўтсорс, з усімі наступствамі»; 
• шмат джуніяраў;
• недахоп прафесіяналаў; 
• «замарозка зарплаты (у асноўным для кіроўных пасад)»;
• «неаплачваны бэнч, калі ў вас няма праекта (нават калі гэта не вашая віна)»;
• звышурочная праца;
• «не найлепшы на рынку заробак, але насамрэч залежыць ад кожнага супрацоўніка»;
• цяжкадасягальныя kpi для праверкі кваліфікацыі;
• непразрыстая палітыка аплаты працы;
• «пасады, вышэйшыя за сеньёр-узровень, ужо занятыя»;
• «некаторыя праекты і калегі так сабе»;
• «праз хуткае звальненне мінусаў не выявіў»

«Вярнуліся ў рэжым сокавыціскалкі». Як маецца Itransition у Мінску і ЕС 

Па тэме

«Вярнуліся ў рэжым сокавыціскалкі». Як маецца Itransition у Мінску і ЕС

Exadel

Рэйтынг: 4,4 на аснове 350 водгукаў (2,5 — на аснове 2 водгукаў сёлета).

Сярод плюсаў:

• «сустрэў тут шмат выдатных калег і сапраўдных сяброў»;
• мудрае і прафесійнае кіраўніцтва;
• вялікія і цікавыя праекты;
• мноства магчымасцяў для росту навыкаў.

Сярод мінусаў:

• няма перагляду заработнай платы; 
• адсутнасць кар’ерных перспектыў; 
• жудаснае кіраванне.

«Заробкі размарозілі не ўсім». Як маецца Exadel у Беларусі, Польшчы і Літве

Па тэме

«Заробкі размарозілі не ўсім». Як маецца Exadel у Беларусі, Польшчы і Літве

VRP Consulting

Рэйтынг: 3,9 на аснове 78 водгукаў (5,0 — на аснове 1 водгуку сёлета).

Сярод плюсаў:

• высокапрафесійныя калегі;
• разнастайныя і цікавыя праекты.

Сярод мінусаў:

• адсутнасць сістэмы бонусаў для інжынераў.

«В такие периоды работы больше». СЕО VRP Consulting о том, как пережить кризис

Па тэме

«В такие периоды работы больше». СЕО VRP Consulting о том, как пережить кризис

Altoros Systems

Рэйтынг: 4,0 на аснове 80 водгукаў (3,0 — на аснове 2 водгукаў сёлета).

Сярод плюсаў:

• «добрыя кліенты, на якіх працуеце ад імя кампаніі»;
• зарплата;
• бонусы;
• карпаратыўная культура;
• супрацоўніцтва.

Сярод мінусаў:

• заработная плата ніжэйшая за рынкавую;
• спрабуюць падмануць з выходнай дапамогай;
• «у аднабаковым парадку мяняюць умовы аплаты ў сярэдзіне кантракта (перасталі аплачваць святочныя дні і бальнічныя);
• «звальняюць у дзень паведамлення: я падаў заяву аб звальненні за месяц да планаванай даты (па кантракце я абавязаны зрабіць гэта за 14 дзён)»;
• «некампетэнтныя супрацоўнікі патрабуюць кампенсацыю праз год пасля вашага сыходу (у дзень здачы абсталявання ўсё было акей, паводле іх слоў)»;
• адсутнасць кар’ернага росту;
• «вы раб на продаж».

ScienceSoft

Рэйтынг: 4,5 на аснове 79 водгукаў (3,8 — на аснове 4 водгукаў сёлета). 

Сярод плюсаў:

• «гнуткасць у дачыненні да супрацоўнікаў»;
• мноства праектаў;
• спрыяльнае асяроддзе, створанае кіраўніцкай камандай;
• карпаратыўная культура;
• выключная каманда;
• «у складаныя перыяды не было скарачэнняў або ўразання заробкаў, што дазваляе мне пачувацца больш упэўнена ў гэтым нестабільным свеце»;
• «плацяць без затрымак»;
• «калі патрэбная праца ў Мінску, то наймаюць. Але не верце, калі ласка, што гэта будзе добрая праца».

Сярод мінусаў:

• цяжка павысіць зарплату;
• «некаторыя працэсы варта палепшыць, але, наколькі мне вядома, кіраўніцтва працуе над гэтым»;
• «проста пазбягайце. Ваш менеджар не будзе знаць вашага імя пасля пары гадоў працы там. Менеджмент — самая слабая частка. Ніякіх зносін паміж людзьмі, ніякай падтрымкі, няма цікавасці да людзей, людзі — проста функцыі»;
• «большасць людзей працуе ў выходныя і ў адпачынку, а таксама дапазна».

ScienceSoft открыла офис в Литве

Па тэме

ScienceSoft открыла офис в Литве

Effective Soft

Рэйтынг: 4,2 на аснове 46 водгукаў (4,5 — на аснове 2 водгукаў сёлета).

Сярод плюсаў:

• прыязныя калегі, высакакласныя распрацоўшчыкі;
• «калі вы добра выконваеце сваю працу, усім усё роўна».

Сярод мінусаў:

• бонусаў няшмат.

Softeq Development

Рэйтынг: 4,7 на аснове 68 водгукаў (4,0 — на аснове 1 водгуку сёлета)

Сярод плюсаў:

• выдатная каманда прафесіяналаў;
• цікавыя і складаныя праекты;
• кліенты з гучнымі імёнамі ў галіне.

Сярод мінусаў:

• «часам вам трэба націснуць на кіраўніка, каб ён правёў ацэнку эфектыўнасці працы і павысіў зарплату».

Ciklum

Рэйтынг: 3,9 на аснове 830 водгукаў (5,0 — на аснове 1 водгуку сёлета).

Сярод плюсаў:

• добры ўтульны офісе;
• цікавы праект;
• каманда моцных інжынераў.

Сярод мінусаў:

• «усё залежыць ад праекта, можа быць сумна».

EY

Рэйтынг: 3,8 на аснове 87 682 водгукаў (4,0 на аснове 1 водгуку).

Сярод плюсаў:

• добрае месца для старту кар’еры;
• выдатны досвед;
• камфортны офіс;
• калегі.

Сярод мінусаў:

• авертаймы;
• сярэднія заробкі. 

Qulix

Рэйтынг: 4,3 на аснове 30 водгукаў (3,5 — на аснове 2 водгукаў сёлета).

Сярод плюсаў:

• надзейная кампанія;
• заробак выплачваўся штомесяц без затрымак;
• карпаратыўны дух;
• добрыя адносіны паміж супрацоўнікамі;
• «сур’ёзныя праекты, якія прымушаюць вас адчуваць адказнасць за вынік»;
• добрае кіраванне;
• «для студэнтаў і выпускнікоў — знаёмства з сапраўднай працай».

Сярод мінусаў:

• нізкія заробкі, павольны рост заробкаў;
• «звальняюць супрацоўнікаў, калі праект скончаны»;
• «няма працоўных месцаў для дызайнераў»;
• аўтсорсінг і аўтстафінг.

SoftTeco

Рэйтынг: 4,5 на аснове 28 водгукаў (3 — на аснове 1 водгуку сёлета).

Сярод плюсаў:

• нармальная зарплата;
• баланс паміж працай і асабістым жыццём;
• магчымасць працаваць аддалена;
• класны офіс у Польшчы.

Сярод мінусаў:

• «некаторыя менеджары знаходзяцца ў гэтай ролі, проста таму што яны звязаныя з заснавальнікам або іншымі менеджарамі. Не ведаюць, як размаўляць з калегамі і кіраваць у цэлым»;
• «няма перагляду заробкаў. Вы можаце развіваць свае навыкі, прыносіць шмат карысці, але ў канцы яны кажуць, што ў іх няма магчымасці павысіць вашую зарплату»;
• маленькі сацпакет;
• «нерэалістычныя кампенсацыі для Польшчы»;
• «ніякага развіцця супрацоўнікаў з боку кампаніі»;
• «шмат непрапісаных працэсаў, хоць у кампаніі працуе 400 чалавек у розных месцах». 

Belhard

Рэйтынг: 3,9 на аснове 8 водгукаў (5,0 — на аснове 1 водгуку сёлета).

Сярод плюсаў:

• свабода выбару тэхналагічнага стэку;
• рост заработнай платы штогод.

Сярод мінусаў:

• «хуткія спрынты і хуткія змены»;
• «няма вольнага часу, каб дазнацца чагосьці новага».

«Мы придумали „лайк“ раньше фейсбука». Игорь Мамоненко о расцвете и закате бумажных «Компьютерных вестей»

Па тэме

«Мы придумали „лайк“ раньше фейсбука». Игорь Мамоненко о расцвете и закате бумажных «Компьютерных вестей»

SOFTSWISS

Рэйтынг: 4,2 на аснове 64 водгукаў (4,3 — на аснове 3 водгукаў сёлета).

Сярод плюсаў:

• «добры шанец для джуноў пачаць кар’еру ў сферы ІТ»;
• «добрая кампанія з добрай культурай».

Сярод мінусаў:

• дрэнныя працоўныя працэсы;
• адсутнасць камунікацыі паміж аддзеламі;
• слабая дакументацыя.

Intetics

Рэйтынг: 4,5 на аснове 72 водгукаў (5,0 — на аснове 1 водгуку сёлета).

Сярод плюсаў:

• канкурэнтаздольныя рынкавыя зарплаты, адсутнасць мікраменеджменту і прыцягненне аўтсорсінгавых праектаў ствараюць пазітыўнае працоўнае асяроддзе.

Сярод мінусаў:

• «неадназначная сістэма аплачваных адпачынкаў»;
• «ніякіх бонусаў за прадукцыйнасць».

VironIT

Рэйтынг: 3,4 на аснове 20 водгукаў (1,5 — на аснове 2 водгукаў сёлета).

Сярод плюсаў:

• «не варта працаваць у гэтай кампаніі, нікому не парэкамендую».

Сярод мінусаў:

• зарплата;
• адносіны;
• працоўная прастора і кантроль працы;
• «жахлівыя ўмовы кантракту і кіраванне».

Топ-50 компаний с лучшим руководством по версии Glassdoor

По теме

Топ-50 компаний с лучшим руководством по версии Glassdoor