Glassdoor абвясціў словам 2025 года «fatigue», што азначае «стомленасць, знясіленне». Так платформа для вакансій і водгукаў пра працадаўцаў ахарактарызавала адчуванне амерыканцаў пры пошуку працы і на працоўным месцы ў апошні час.
Glassdoor абвясціў словам 2025 года «fatigue», што азначае «стомленасць, знясіленне». Так платформа для вакансій і водгукаў пра працадаўцаў ахарактарызавала адчуванне амерыканцаў пры пошуку працы і на працоўным месцы ў апошні час.
Сёлета людзі «доўгі час былі як на іголках — хваляваліся за чарговы дэдлайн, тэхналагічны зрух ці сюрпрыз у эканоміцы», адзначае Glassdoor. Усё гэта разам з пастаяннай трывогай з-за звальненняў і распаўсюджвання ШІ вельмі знясіліла людзей. Слова «fatigue» сёлета стала згадвацца на платформе на 41% часцей. У красавіцкім апытанні Glassdoor сярод амерыканскіх працаўнікоў 78% рэспандэнтаў прызналі, што з-за падзей у навінах у іх знікаюць сілы працаваць.
Пра цяжкасці людзі кажуць не толькі на Glassdoor. Карыстальнікі LinkedIn таксама скардзяцца, што пошук працы ў сучасных рэаліях — ледзь не самае складанае, што было ў іх жыцці, а ад бясконцай рассылкі рэзюмэ і інтэрв’ю, якія даюць надзею, але застаюцца безвыніковымі, апускаюцца рукі.
Glassdoor не першы раз абраў «словам года» нешта дэпрэсіўнае. У 2024-м ім было «divisive» — «які выклікае рознагалоссі». Яно адлюстроўвала «расчараванне працэсам пошуку працы або абмеркаваннямі бягучых падзей». У 2023-м было «anxiety» — «трывога», а ў супольнасці тады часцей сталі гучаць словы «скарачэнні» і «выгаранне».
Релоцировались? Теперь вы можете комментировать без верификации аккаунта.