Генеральны дырэктар GoDaddy Аман Бхутані не чытае працоўныя дакументы, калі падазрае, што іх напісала нейрасетка. Паводле яго, занадта правільная англійская і незвычайная манера выкладання могуць выдаць выкарыстанне штучнага інтэлекту.
Генеральны дырэктар GoDaddy Аман Бхутані не чытае працоўныя дакументы, калі падазрае, што іх напісала нейрасетка. Паводле яго, занадта правільная англійская і незвычайная манера выкладання могуць выдаць выкарыстанне штучнага інтэлекту.
«Калі хтосьці дасылае мне дакумент і я даволі хутка разумею, што ён напісаны ШІ, я яго не чытаю. Калі чалавек не знайшоў часу напісаць тэкст, то чаму я павінен марнаваць час на яго чытанне?» — заявіў Бхутані ў інтэрв’ю Business Insider.
Сам кіраўнік не выкарыстоўвае ШІ для напісання тэкстаў і чакае такога ж падыходу ад супрацоўнікаў. Пры гэтым ён не забараняе звяртацца да нейрасетак за дапамогай — напрыклад, каб разабрацца ў значэнні незнаёмага слова ці выразу.
Бхутані лічыць, што ўменне самастойна выкладаць думкі неабходна для прафесійнага развіцця. Асабліва важна, каб супрацоўнікі маглі растлумачыць, адкуль узнікла ідэя, на якіх назіраннях яна заснавана і чаму яе варта рэалізаваць.
«Якое было першапачатковае назіранне? Якая была зыходная гіпотэза? Што зацікавіла вас у гэтай ідэі? Чаму вы лічыце яе важнай?» — пералічыў ён пытанні, адказы на якія хоча бачыць у працоўных дакументах.
Паводле Бхутані, распазнаць згенераваны тэкст яму дапамагаюць некалькі прыкметаў. Адна з іх — залішне правільная англійская. Кіраўнік працуе з міжнароднай камандай, многія супрацоўнікі якой не з’яўляюцца носьбітамі мовы, таму раптоўнае з’яўленне бездакорна напісанага дакумента можа выклікаць падазрэнні.
Яшчэ адна прыкмета — даўжыня тэксту. Занадта шматслоўныя дакументы могуць выдаваць ШІ, але і кароткія, незвычайна чоткія і энергічныя фармулёўкі таксама часам здаюцца Бхутані падазронымі.
Раней сузаснавальнік ШІ-стартапа Clay Варун Ананд расказаў, што прытрымліваецца карпаратыўнага правіла «пісаць — значыць думаць». Супрацоўнікі павінны разумець і ўмець растлумачыць кожны радок сваіх тэкстаў. А кіраўнік Figma Дылан Філд паведаміў, што ў кампаніі патрабуюць пазначаць дакументы словамі «напісана з дапамогай ШІ», калі пры іх падрыхтоўцы выкарыстоўвалася нейрасетка.
Релоцировались? Теперь вы можете комментировать без верификации аккаунта.