Google дадала ў нейрапошук AI Mode пяць новых моў

AI Mode быў запушчаны вясной гэтага года як эксперымент для падпісчыкаў Google One AI Premium, а затым стаў даступны ў ЗША, Вялікабрытаніі і Індыі. У жніўні Google распаўсюдзіла сэрвіс больш чым на 180 краін, аднак да гэтага часу ён працаваў толькі на англійскай мове. Зараз AI Mode даступны праз асобную ўкладку ў пошуку і кнопку ў радку запыту.

«Стварэнне сапраўды глабальнага пошуку выходзіць далёка за межы простага перакладу, — адзначыла Хема Бударжу, віцэ-прэзідэнт па прадуктах Google Search. — Дзякуючы магчымасцям нашай версіі Gemini 2.5, мы зрабілі сур’ёзны прагрэс у разуменні моў, каб AI Mode быў сапраўды карысным у кожным рэгіёне».

AI Mode працуе на базе кастамізаванай версіі мадэлі Gemini 2.5 Pro, якая валодае мультымадальнымі і прасунутымі функцыямі разважання. У ліпені ў сэрвіс дадалі падтрымку Deep Search, а ў жніўні — агентныя магчымасці, якія дазваляюць браніраваць столікі ў рэстаранах і ў перспектыве — набываць квіткі ці заказваць паслугі.