Google абнавіла дызайн лагатыпа Android

Google вырашыла адмовіцца ад напісання назвы «android» з малой літары і дадала вялікую «А». Гэта мае надаць лагатыпу «больш вагі побач з лагатыпам Google».

Робат Android стаў важнай часткай лагатыпа — ён адлюстроўвае гуллівасць і дынамічнасць самой сістэмы. Яго 3D-дызайн і поўнапамерную версію таксама абнавілі, каб яго было прасцей выкарыстоўваць у лічбавым асяроддзі і рэальным свеце.

Апошні раз лагатып Android мяняўся ў 2019 годзе. Новы кампанія пачне выкарыстоўваць ужо сёлета.