Google абнавіла Nano Banana: генератар цяпер стварае постары і інфаграфіку

Google заяўляе, што новая версія забяспечвае «студыйную якасць» і лепш спраўляецца з задачамі, якія раней даваліся мадэлям складана, уключаючы чытанне і стварэнне тэксту поста на выявах. Nano Banana Pro можа генераваць інфаграфіку, дыяграмы і постары з выразнай тыпаграфікай на розных мовах.

Сістэма таксама навучылася аб’ядноўваць да 14 выяў у адной кампазіцыі і дазваляе дакладна рэдагаваць любыя элементы: змяняць ракурсы камеры, фокус, каляровую карэкцыю і нават пераключаць сцэну з дзённага асвятлення на начное.

Усе створаныя выявы атрымліваюць убудаваныя метаданыя C2PA — гэта павінна палегчыць распазнаванне ШІ-кантэнту і знізіць аб’ём дзіпфэйкаў. TikTok ужо абвясціў, што будзе выкарыстоўваць C2PA для маркіроўкі ролікаў.

Выкарыстоўваць Nano Banana Pro можна бясплатна, абмежаванне датычыцца толькі дзённага ліміту выяў. Пашыраныя квоты даступныя падпісчыкам Google AI, Plus, Pro і Ultra. Мадэль працуе ў праграме Gemini (рэжым Thinking), а таксама даступна ў Search і NotebookLM для часткі карыстальнікаў.