Apple і Google заключылі шматгадовае пагадненне, паводле якога абноўленая Siri будзе працаваць на мадэлях Gemini. Гэта адна з найважнейшых падзей у ШІ-гонцы за апошні час — і буйная перамога для Alphabet у канкурэнцыі з OpenAI, піша Reuters.
Apple і Google заключылі шматгадовае пагадненне, паводле якога абноўленая Siri будзе працаваць на мадэлях Gemini. Гэта адна з найважнейшых падзей у ШІ-гонцы за апошні час — і буйная перамога для Alphabet у канкурэнцыі з OpenAI, піша Reuters.
Па ўмовах здзелкі, стэк Apple Foundation Models будзе пабудаваны на базе Gemini і воблачных тэхналогій Google. Гэтыя мадэлі стануць асновай будучых функцый Apple Intelligence, уключаючы больш персаналізаваную Siri, запуск якой чакаецца ў гэтым годзе. Apple падкрэслівае, што Apple Intelligence па-ранейшаму будзе працаваць на яе прыладах і праз Private Cloud Compute з захаваннем фірмовых стандартаў прыватнасці.
Для Google здзелка адкрывае доступ да велізарнай аўдыторыі — у Apple больш за 2 млрд актыўных прылад. Gemini ўжо ляжыць у аснове Galaxy AI у Samsung, але інтэграцыя з Siri выводзіць яго ў прынцыпова іншы маштаб. У Google проста заявілі, што пасля «ўважлівай ацэнкі» менавіта тэхналогіі Gemini былі прызнаныя самай моцнай базай для ШІ-мадэляў Apple.
Здзелка таксама змяняе расстаноўку сіл вакол OpenAI. У канцы 2024 года Apple ўбудавала ChatGPT у свае прылады, дазволіўшы Siri звяртацца да яго для складаных запытаў. Цяпер жа ChatGPT застаецца дадатковым, апцыянальным узроўнем, тады як Gemini робіцца дэфолтнай інтэлектуальнай асновай Siri — так гэта інтэрпрэтуюць аналітыкі.
Навіна ўжо выклікала рэзананс. Ілан Маск раскрытыкаваў пагадненне, назваўшы яго «празмернай канцэнтрацыяй улады» з улікам пазіцый Google ў Android і Chrome. Google таксама застаецца пошукам па змаўчанні на прыладах Apple. Сама Google падкрэсліла, што партнёрства не падрывае падыход Apple да прыватнасці дадзеных.
Рынак адрэагаваў імгненна. На фоне навіны капіталізацыя Alphabet перавысіла $4 трлн.
Рэлацыраваліся? Цяпер вы можаце каментаваць без верыфікацыі акаўнта.