Google расказала, як аднавіць зніклыя файлы на «Дыску»

У інструкцыі Google пазначыла, што пасля загрузкі і ўсталёўкі апошняй версіі «Google Дыска» неабходна запусціць інструмент аднаўлення даных з рэзервовай копіі. Трэба клацнуць па значку праграмы на панэлі задач. Ва ўсплывальным акне неабходна з заціснутай клавішай Shift клацнуць па значку «Налады» і ў меню, якое з’явіцца, выбраць пункт «Аднавіць з рэзервовых копій».

Пасля завяршэння працэсу ўсе адноўленыя файлы з’явяцца ў сховішчы ў новай тэчцы. У выпадку ўзнікнення праблем Google просіць адпраўляць водгукі з праграмы для ПК, пазначыўшы хэштэг «#DFD84» і выбраўшы опцыю з уключэннем журналаў дыягностыкі. Паводле даных кампаніі, праблема са стратай файлаў закранула невялікую долю карыстальнікаў настольнага варыянта праграмы версіі 84.