Google змяніла кіраўніцтва пошуку — АІ трэба развіваць хутчэй

У пошукавым аддзеле адбыліся і іншыя перастаноўкі. Кіраўнік напрамку ранжыравання і якасці пошуку Панду Наяк стаў галоўным навуковым супрацоўнікам пошукавага падраздзялення. Замест яго прызначаны Чыну Венкатачары, які распрацоўваў пошукавыя прадукты з выкарыстаннем АІ. Кэці Эдвардс, якая кіравала Google News і Google Discover, пераходзіць у каманду па доўгатэрміновых праектах.

«Цяпер мы актыўна развіваем пошук, дзякуючы чаму яго якасць прыкметна палепшылася, з’явіліся новыя функцыі накшталт Circle to Search, а таксама магчымасць выкарыстоўваць штучны інтэлект у вырашэнні складаных пытанняў. Сістэма генератыўнага пошуку пакуль яшчэ толькі тэсціруецца, але ўжо апрацавала мільярды запытаў. Мы рады аб’яднаць каманды пошукавых прадуктаў пад яе кіраўніцтвам», — заявіла кампанія.

Кіраўніцтва Google бачыць у тэхналогіі штучнага інтэлекту будучыню пошуку. Таму прызначэнне Рыд невыпадковае: апошнія некалькі гадоў яна працавала над пошукам з выкарыстаннем АІ, а таксама мультыпошукам: з дапамогай тэксту, малюнкаў і аўдыя. Задача каманды — змяніць пошук такім чынам, каб замест спасылак ён даваў простыя адказы на запыты.