Google звольніла больш за 100 UX/UI-дызайнераў

Паводле дадзеных CNBC, пад звальненні трапілі спецыялісты з каманд quantitative user experience research і platform and service experience, а таксама сумежных груп. Гэтыя супрацоўнікі займаліся аналізам паводзін карыстальнікаў, правядзеннем апытанняў і ўкараненнем дадзеных у прадуктовыя рашэнні. У шэрагу выпадкаў колькасць такіх каманд была скарочана напалову.

Большасць звольненых знаходзіліся ў ЗША. Частка супрацоўнікаў атрымала магчымасць знайсці новае месца ўнутры Google да пачатку снежня. Кампанія адмовілася каментаваць скарачэнні.

Раней Google ужо праводзіла аптымізацыю штату. З пачатку года кампанія прапанавала добраахвотныя выхадныя пакеты шэрагу падраздзяленняў у ЗША і скараціла больш за траціну менеджараў, якія кіравалі малымі камандамі. Пад аптымізацыю трапілі таксама HR, рэкламныя і маркетынгавыя службы, фінансы і напрамкі, звязаныя з пошукам і апаратным бізнесам.

Скарачэнні звязаныя з пераарыентацыяй кампаніі на развіццё інфраструктуры для штучнага інтэлекту. Генеральны дырэктар Google Сундар Пічаі раней казаў, што карпарацыі неабходна павышаць эфектыўнасць і пазбягаць росту колькасці супрацоўнікаў «для вырашэння кожнай задачы». У ліпені Microsoft таксама звольніла каля 9 000 чалавек, аналагічныя меры праводзіла і Meta.

Google звольніла больш за 200 «трэнераў» Gemini

Па тэме

Google звольніла больш за 200 «трэнераў» Gemini

Улетку 2025 шмат каго звольнілі. Але і наймалі больш ахвотна

Па тэме

Улетку 2025 шмат каго звольнілі. Але і наймалі больш ахвотна

Сіэтл страціў статус ІТ-сталіцы — звольненыя айцішнікі ідуць у барыста

Па тэме

Сіэтл страціў статус ІТ-сталіцы — звольненыя айцішнікі ідуць у барыста