Google запусціла Gemini Enterprise — канкурэнта ChatGPT для бізнесу
Кампанія прэзентавала новую карпаратыўную платформу штучнага інтэлекту Gemini Enterprise. Яна аўтаматызуе працоўныя працэсы і стварае ўласных ШІ-агентаў.
Кампанія прэзентавала новую карпаратыўную платформу штучнага інтэлекту Gemini Enterprise. Яна аўтаматызуе працоўныя працэсы і стварае ўласных ШІ-агентаў.
Gemini Enterprise пазіцыянуецца як «новы пункт уваходу ў ШІ на працоўным месцы», паводле словаў кіраўніка Google Cloud Томаса Курыяна. Платформа дазваляе кампаніям ствараць, тэставаць і ўкараняць ШІ-агентаў, якія могуць выконваць задачы ў продажах, маркетынгу, інжынерыі, HR і фінансах. Сістэма аб’ядноўвае дадзеныя з унутраных крыніц, Google Workspace, Microsoft 365, Salesforce і SAP, а таксама інтэгруецца з інструментамі Code Assist і Deep Research.
Google падкрэслівае, што новы прадукт не з’яўляецца часткай Workspace, а прадстаўляе асобнае абароненае асяроддзе на базе Google Cloud. У яго ўваходзяць гатовыя ШІ-агенты, інструменты без кода для аналізу дадзеных і аўтаматызацыі задач, а таксама модуль кіравання, які дазваляе кампаніям кантраляваць і абараняць працу ўсіх агентаў з аднаго інтэрфейсу.
Сярод першых кліентаў Gemini Enterprise — Figma, Klarna, Macquarie Bank, Gordon Food Service і круізная кампанія Virgin Voyages, якая ўкараніла больш за 50 спецыялізаваных ШІ-агентаў. Платформа будзе даступная ў двух тарыфах: Gemini Business (ад $21 у месяц за карыстальніка) для невялікіх каманд і Gemini Enterprise Standard/Plus (ад $30 за карыстальніка ў месяц) для буйных арганізацый. Для новых кліентаў прадугледжаны бясплатны 30-дзённы перыяд.
Запуск Gemini Enterprise дэманструе ўзрастаючую канкурэнцыю ў сферы карпаратыўных ШІ-інструментаў. Паводле дадзеных OpenAI, ChatGPT Enterprise ужо выкарыстоўваюць больш за 5 мільёнаў бізнес-карыстальнікаў, а кансалтынгавая кампанія Deloitte аб’явіла аб укараненні чат-бота Claude для амаль паўмільёна супрацоўнікаў па ўсім свеце. Google разлічвае, што новы прадукт дазволіць ёй замацавацца ў гэтым хуткарослым сегменце і стаць ключавым гульцом у інтэграцыі ШІ ў карпаратыўную інфраструктуру.
OpenAI хоча ператварыць ChatGPT у паўнавартасную АС з аплікацыямі
OpenAI хоча ператварыць ChatGPT у паўнавартасную АС з аплікацыямі
OpenAI паказала ўнутраныя ШІ-сэрвісы — і выклікала паніку на рынку софту
OpenAI паказала ўнутраныя ШІ-сэрвісы — і выклікала паніку на рынку софту
OpenAI запусціла канструктар ШІ-агентаў і зрабіла Codex даступным для ўсіх
OpenAI запусціла канструктар ШІ-агентаў і зрабіла Codex даступным для ўсіх
Релоцировались? Теперь вы можете комментировать без верификации аккаунта.