Meta сёння скараціла сотні супрацоўнікаў розных падраздзяленняў, у тым ліку ў Facebook, Reality Labs, у рэкрутынгу і продажах. Першым пра гэта напісаў The Information, у кампаніі пацвердзілі звальненні журналістам CNBC.
Meta сёння скараціла сотні супрацоўнікаў розных падраздзяленняў, у тым ліку ў Facebook, Reality Labs, у рэкрутынгу і продажах. Першым пра гэта напісаў The Information, у кампаніі пацвердзілі звальненні журналістам CNBC.
Паводле суразмоўцаў выдання, некаторым прапануюць новыя пазіцыі ўнутры кампаніі. У асобных выпадках ім давядзецца рэлакавацца. У Meta заявілі, што кампанія рэгулярна робіць падобныя пераўтварэнні зыходзячы са сваіх мэтаў. Звальненні закрануць супрацоўнікаў у ЗША і іншых краінах.
Некаторыя супрацоўнікі Meta ўчора атрымалі емэйлы, у якіх іх папрасілі сёння папрацаваць з дому. Пра гэта Business Insider расказалі два чалавекі, якія атрымалі такія паведамленні.
Емэйл быў ад HR і прыйшоў супрацоўнікам падраздзялення насімых прылад і рэкламнага аддзела. У ім гаварылася, што далейшую інфармацыю ім дасць кіраўніцтва.
Прычым у сваёй апошняй справаздачы Meta называла падраздзяленне насімых гаджэтаў, у якое ўваходзяць ШІ-акуляры і напрамак дапоўненай рэальнасці, адным з прыярытэтаў для інвестыцый на гэты год.
Усё выглядае так, што кампанія рыхтуецца да скарачэнняў. У гэтым месяцы BI пісаў, што некаторым менеджарам сказалі скласці планы зніжэння выдаткаў. А Reuters паведамляў, што Meta можа звольніць пятую частку супрацоўнікаў або нават больш. Яе штат да канца 2025 года налічваў каля 79 тысяч чалавек, гэта значыць працу можа страціць каля 16 тысяч. А ў студзені Meta звольніла 10-15% падраздзялення Reality Labs, якое займаецца метасусветам.
Між тым учора кампанія аб’явіла новую праграму заахвочвання топ-менеджараў за кошт апцыёнаў на акцыі (Марк Цукерберг у яе не ўключаны). У яе закладзены рост рынкавай капіталізацыі да $9 трлн.
Рэлацыраваліся? Цяпер вы можаце каментаваць без верыфікацыі акаўнта.
-ться