Пакуль увесь свет эксперыментуе з чатырохдзёнкай, у Грэцыі ўвялі шасцідзённы працоўны тыдзень. Мясцовыя прафсаюзы называюць навіну зневажальнай для работнікаў і лічаць, што яна ператворыць умовы працы ў «варварскія». Яна была зацверджаная яшчэ ў мінулым верасні і ўступіць у сілу 1 ліпеня.
Пакуль увесь свет эксперыментуе з чатырохдзёнкай, у Грэцыі ўвялі шасцідзённы працоўны тыдзень. Мясцовыя прафсаюзы называюць навіну зневажальнай для работнікаў і лічаць, што яна ператворыць умовы працы ў «варварскія». Яна была зацверджаная яшчэ ў мінулым верасні і ўступіць у сілу 1 ліпеня.
Па новым працоўным законе, супрацоўнікам кампаній прыватнага сектара прыйдзецца хадзіць у офіс 6 дзён і працаваць 48 гадзін на тыдзень, калі так захоча працадаўца. Падоўжыць працоўны тыдзень змогуць кампаніі ў прамысловай сферы і тыя, што аказваюць паслугі кругласутачна. Гэта не закране грамадскага харчавання і турызму.
Падставай для навіны стала нізкая прадукцыйнасць працы ў краіне, у выніку чаго многія супрацоўнікі вымушаныя авертайміць — часта без даплаты. Улады таксама скардзяцца на дэфіцыт кваліфікаваных кадраў праз скарачэнне колькасці насельніцтва. Афіцыйна новы закон закліканы змагацца з нефіксаванымі перапрацоўкамі, даць людзям больш гнуткасці і ў цэлым павысіць узровень занятасці.
Лішнія 8 гадзін працы супрацоўнікам будуць аплачваць з надбаўкай у 40%. Працадаўцы, якія вырашацца на 48-гадзінны тыдзень, павінны будуць паведаміць супрацоўнікаў не менш як за 24 гадзіны да пачатку змены. Прымушаць людзей працаваць даўжэй за гэтыя 8 дадатковых гадзін няможна. Таксама працадаўцы змогуць прымушаць супрацоўнікаў працаваць да 2 гадзін у дзень без даплаты, але ў абмен на дадатковы вольны час.
Акрамя гэтага, грэчаскія працадаўцы змогуць устанаўліваць для супрацоўнікаў выпрабавальны тэрмін да 6 месяцаў і звальняць іх на працягу першага года працы без кампенсацыі і паведамлення. А яшчэ прадугледжаныя штрафы для тых, хто будзе замінаць людзям хадзіць на працу ў часе забастовак.
Рэлацыраваліся? Цяпер вы можаце каментаваць без верыфікацыі акаўнта.