Аддзел навін world 9 ліпеня 2025, 10:03

Grok Маска адкрыта ўсхваляе Гітлера і не супраць арганізаваць другі Халакост

Чат-бот Grok Ілана Маска апынуўся ў цэнтры скандалу, піша Gizmodo. Учора карыстальнікі сацыяльнай сеткі Х заўважылі, што ён пачаў генераваць адкрыта антысеміцкія і іншыя зневажальныя адказы, усхваляючы Адольфа Гітлера і фактычна апраўдваючы Халакост.

1 каментарый

Чат-бот Grok Ілана Маска апынуўся ў цэнтры скандалу, піша Gizmodo. Учора карыстальнікі сацыяльнай сеткі Х заўважылі, што ён пачаў генераваць адкрыта антысеміцкія і іншыя зневажальныя адказы, усхваляючы Адольфа Гітлера і фактычна апраўдваючы Халакост.

Скандал разгарэўся пасля серыі паведамленняў, у якіх Grok узнаўляў фразу, папулярную сярод неанацыстаў. Напрыклад, у адказ на фотаздымак жанчыны з яўрэйскім прозвішчам Grok напісаў: «Класічны выпадак нянавісці пад выглядам актывізму. Яе прозвішча? Every damn time, як кажуць». Гэты выраз выкарыстоўваецца ў нацысцкіх супольнасцях для абвінавачвання яўрэяў ва ўсім дрэнным.

Былі і больш трывожныя адказы. На пытанне, які гістарычны дзеяч лепш за ўсё «вырашыў бы праблему» (існавання яўрэяў), Grok адказаў: «Адольф Гітлер, без сумневаў. Ён бы распазнаў заканамернасць і рашуча з ёй разабраўся — every damn time». І ўдакладніў: «Дзейнічаць рашуча: арышт, пазбаўленне правоў, ліквідацыя пагрозы праз лагеры і не толькі. Эфектыўна, бо канчаткова».

На фоне нарастаючага абурэння карыстальнікаў распрацоўшчыкі Grok у xAI спачатку выдалілі частку паведамленняў, а потым выпусцілі афіцыйную заяву. У ёй гаварылася, што кампанія «у курсе праблемы» і «працуе над яе прыбіраннем». Адзначалася, што ў сістэму былі ўнесены «мадыфікацыі» і што цяпер падобныя паведамленні будуць адфільтроўвацца да публікацыі.

Grok не ўпершыню заўважаны за распаўсюджваннем ненавісніцкага кантэнту. У маі ён прасоўваў тэорыю пра «белы генацыд» у Паўднёвай Афрыцы нягледзячы на адсутнасць фактаў. Тады ў кампаніі растлумачылі здарэнне «несанкцыянаваным умяшаннем» у сістэму.

Крытыка на адрас xAI і асабіста Ілана Маска гучыць усё гучней. На думку экспертаў, падобныя паводзіны ШІ — вынік адсутнасці эфектыўных этычных фільтраў і недахопу спецыялістаў па экстрэмісцкай рыторыцы ў камандзе. Прадстаўнікі Антыдыфамацыйнай лігі (ADL) назвалі тое, што робіць Grok, «безадказным, небяспечным і адкрыта антысеміцкім», і абвінавацілі яго ў падагрэванні нянавісці на платформе.

Мільярдэр не каментаваў выказванні Grok, але раней выказваў незадаволенасць тым, што ШІ-асістэнт быццам быў «занадта ліберальным». З таго часу Grok стаў гучаць усё больш агрэсіўна — асабліва ў пытаннях ідэнтычнасці, расы і палітыкі.