Губернатар Каліфорніі Гэвін Ньюсам заявіў, што ўлады не бачаць «непасрэднай пагрозы» для штата пасля паведамленняў аб тым, што ФБР папярэдзіла пра магчымыя іранскія атакі з выкарыстаннем беспілотнікаў. Па яго словах, улады знаходзяцца ў пастаяннай каардынацыі з сілавымі і разведвальнымі структурамі.
Губернатар Каліфорніі Гэвін Ньюсам заявіў, што ўлады не бачаць «непасрэднай пагрозы» для штата пасля паведамленняў аб тым, што ФБР папярэдзіла пра магчымыя іранскія атакі з выкарыстаннем беспілотнікаў. Па яго словах, улады знаходзяцца ў пастаяннай каардынацыі з сілавымі і разведвальнымі структурамі.
«Мы не ведаем пра якія-небудзь непасрэдныя пагрозы ў дадзены момант, але гатовыя да любой надзвычайнай сітуацыі», — цытуе Ньюсама CNN.
Нагодай для каментароў стаў унутраны мемарандум ФБР, разасланы праваахоўным органам штата. У ім гаварылася пра неправеранную інфармацыю: па стане на пачатак лютага Іран нібыта разглядаў магчымасць раптоўнай атакі беспілотнікамі, якія маглі б запускацца з неўстаноўленага судна ля ўзбярэжжа ЗША. Мэты не ўдакладняліся, але ўзгадвалася Каліфорнія як магчымы аб’ект атакі ў выпадку амерыканскіх удараў па Іране.
Па словах крыніц у праваахоўных органах, гэтая інфармацыя не пацверджана і носіць хутчэй «аспірацыйны» характар — гэта значыць, гаворка ідзе пра меркаваныя намеры, а не пра рэальны план атакі. Такія дадзеныя федэральныя службы рэгулярна перадаюць мясцовым уладам з перасцярогі.
Папярэджанне з’явілася на фоне ўзмацнення трывожных сігналаў ад амерыканскіх спецслужбаў. На мінулым тыдні разведка накіравала кампаніям і дзяржаўным ведамствам папярэджанні аб неабходнасці ўзмацніць абарону ад магчымых кібератак з боку Ірана на фоне канфлікту на Блізкім Усходзе. Пры гэтым канкрэтных пацверджаных пагроз не называлася.
Адзін з бюлетэняў Міністэрства ўнутранай бяспекі таксама папярэджваў аб павышаным узроўні пагроз пасля гібелі вярхоўнага лідара Ірана аятолы Алі Хаменеі. У дакуменце адзначаецца, што іранскія рэлігійныя лідары заклікалі да помсты.
Ньюсам падкрэсліў, што ўлады штата ўважліва сочаць за сітуацыяй і знаходзяцца ў пастаянным кантакце з федэральнымі структурамі бяспекі.
Рэлацыраваліся? Цяпер вы можаце каментаваць без верыфікацыі акаўнта.