Інвестыцыйная кампанія Palta Group, асноўным уладальнікам якой з’яўляецца Юрый Гурскі, страціла кантроль над Flo Health Group — сваім ключавым партфельным актывам. Гэта вынікае з гадавой справаздачы яе брытанскага падраздзялення Flo Health UK, заўважыў партал «Беларусы і рынак».
Інвестыцыйная кампанія Palta Group, асноўным уладальнікам якой з’яўляецца Юрый Гурскі, страціла кантроль над Flo Health Group — сваім ключавым партфельным актывам. Гэта вынікае з гадавой справаздачы яе брытанскага падраздзялення Flo Health UK, заўважыў партал «Беларусы і рынак».
Palta Group, зарэгістраваная на Кайманавых астравах, з’яўлялася кантралюючай кампаніяй да жніўня 2024 года. Тады Flo Health Group завяршыла ўгоду па збору сродкаў пад кіраўніцтвам інвестфонду General Atlantic. Стартап прыцягнуў каля $200 млн пры ацэнцы звыш $1 млрд і стаў «адзінарогам».
Згодна з дакументацыяй, у выніку доля ўласнасці Palta Group у стартапе скарацілася, яна страціла большасць галасоў і перастала быць «канчатковым кантралюючым бокам».
Flo Health UK — даччыная структура Flo Health Inс, зарэгістраванай у ЗША, але з’яўляецца найбуйнейшай кампаніяй у Flo Health Group. Flo Health UK таксама валодае па 100% у кампаніях Flo Health Cyprus, Flo Health LT (Літва) і Flo Health (Нідэрланды).
У 2024 годзе выручка Flo Health UK, дырэктарам якой з’яўляецца брат Юрыя Гурскага Дзмітрый, вырасла на 51% да $168,2 млн. Страты да падаткаабкладання скараціліся на 12% (да $21,8 млн) год да году.
Продажы аплікацыі ў App Store і Google Play раслі на ўсіх найважнейшых рынках, асабліва ў ЗША: з $59,8 млн у 2023 годзе да $86,8 млн. У Вялікабрытаніі аб’ём продажаў склаў $17,4 млн, у Аўстраліі — $9,6 млн. Пяцёрку найважнейшых рынкаў Flo замкнулі Канада ($7,4 млн) і Германія ($7,2 млн).
Юрый Гурскі заняў 30-е месца ў свежым рэйтынгу 100 паспяховых бізнесменаў Беларусі, які штогод складае выданне.
Рэлацыраваліся? Цяпер вы можаце каментаваць без верыфікацыі акаўнта.