Х страціла амаль 80% кошту пасля куплі Маскам

Амерыканскі бізнэсовец купляў сацсетку ў кастрычніку 2022 года за $44 млрд. Фонд па кіраванні актывамі Fidelity удзельнічаў у пагадненні і першапачаткова ўклаў у кампанію $19,66 млн.

Станам на канец гэтага жніўня інвестфонд ацэньваў сваю долю прыкладна ў $4,18 млн, што на 78,7% ніжэй. То-бок уся сацсетка цяпер каштуе каля $9,4 млрд.

Fidelity не ўпершыню паніжае ацэнку Х. Пры канцы ліпеня свой пакет акцый у сацсетцы інвестар ацэньваў у $5,5 млн.