У ЗША хакер узламаў кол-цэнтр махляроў і папярэдзіў ахвяр пра падман

«Усім прывітанне! Калі вы бачыце гэты ліст, значыць, вы сталі ахвярай фальшывай антывіруснай кампаніі, вядомай як Waredot», — сказана ў лісце, які хакер рассылаў кліентам кол-цэнтра. Далей хакер прапаноўваў вярнуць плацеж, «паколькі гэты смеццевы софт не каштуе каля $300-400 на месяц, а гэтыя ідыёты не заслугоўваюць вашых грошай!».

Звычайная тактыка такіх кол-цэнтраў — шукаць пажылых або непісьменных людзей і пераконваць іх, што гаджаты заражаныя шкодным софтам або маюць якую-небудзь іншую праблему. Затым кол-цэнтр прапаноўвае набыць антывірусны софт, які каштуе значна даражэй, чым стандартныя антывірусныя праграмы.

Раней блогер NaniBaiter апублікаваў у сваім канале ролік, у якім ён паказаў працу Waredot знутры. У роліку паказаныя здымкі з камер відэаназірання. Пасля публікацыі відэа хакер звязаўся з журналістамі і аддаў некалькі скрыншотаў і файлаў унутранай дакументацыі Waredot. Таксама актывіст узламаў сістэму кампаніі і скраў зыходны код праграмы.

«Зыходны код антывіруса зусім не ўражвае і раззлуе любога разумнага чалавека, які азнаёміцца з ім, а таксама прымусіць задумацца пра тое, як ён быў прададзены за $400», — растлумачыў хакер свае дзеянні.