HBO паказаў цізер серыяла па «Гары Потэру»

Кампанія назвала шоу «дзесяцігадовай адаптацыяй кніг». Відаць, столькі часу сыдзе на вытворчасць і выпуск усіх сезонаў шоу. У серыяле будзе новы акцёрскі склад. У якасці выканаўчага прадзюсара серыяла выступіць аўтарка патэрыяны Джаан Роўлінг разам з Нілам Блэрам («Фантастычныя істоты і дзе яны жывуць») і Рут Кенлі-Летс («Страйк»).

«Мы радыя даць гледачам магчымасць адкрыць для сябе Хогвартс зусім па-новаму. Гары Потэр — культурны феномен, і ясна, што існуе такая вечная любоў і прага чароўнага свету», — заявіў старшыня і галоўны выканаўчы дырэктар стрымінгу Кейсі Блойс.