Праект беларускі выйграў прыз на еўрапейскім конкурсе стартапаў, якія змяняюць медыцыну
У пачатку снежня ў Барселоне праходзіў конкурс Health Tech Challengers для стартапаў, якія рухаюць наперад сферу аховы здароўя ў Еўропе. У ім атрымаў міжнароднае прызнанне праект Healsens беларускі Ганны Бажакоўскай.
Healsens назвалі рашэннем, якое задае новыя стандарты ў еўрапейскай медыцыне. Сярод соцень стартапаў, якія ўдзельнічалі ў мерапрыемстве, ён атрымаў спецыяльную узнагароду Special Recognition Award. Таксама ён атрымае грашовы прыз у €200 тысяч і падтрымку двух еўрапейскіх фондаў.
Стартап быў заснаваны ў 2019 годзе ў Нідэрландах і спецыялізуецца на прэвентыўнай медыцыне. Ганна займае ў ім пасаду СЕО.
Healsens імкнецца дапамагчы людзям як мага даўжэй захаваць здароўе і запаволіць старэнне. Ён прапануе карыстальнікам індывідуальны план скрынінгаў, падлічвае рызыку развіцця захворванняў і дае рэкамендацыі для іх зніжэння.
Стартап супрацоўнічае больш чым з 2 тысячамі шпіталяў Нідэрландаў, а таксама прадае чэкапы ў Бельгіі. Сэрвіс налічвае больш за 10 тысяч усталёвак па ўсім свеце, але пакуль большасць карыстальнікаў — з Нідэрландаў. Два гады запар Healsens уваходзіў у фінал медыцынскай прэміі European Lifestars Awards у намінацыі «Лепшы HealthTech года».
Читать на dev.by