Да 15 верасня HealthTech-стартапы могуць падаць заяўку для ўдзелу ў праграме EIT Digital. Гэта магчымасць атрымаць еўрапейскі грант і іншую істотную падтрымку для развіцця.
Да 15 верасня HealthTech-стартапы могуць падаць заяўку для ўдзелу ў праграме EIT Digital. Гэта магчымасць атрымаць еўрапейскі грант і іншую істотную падтрымку для развіцця.
Венчурная студыя AppleJack LAB з беларускімі каранямі дапамагае навукоўцам і інжынерам падрыхтаваць праекты да інвестыцый у рамках новай ініцыятывы EIT Digital. Студыя выступае лідарам HealthTech-напрамку праграмы REWIRE і разам з еўрапейскімі партнёрамі праводзіць адбор і падрыхтоўку каманд. Хто можа ў ёй удзельнічаць і якую падтрымку атрымліваюць стартапы? Пагаварылі пра гэта з Head of Operations студыі.
— Што такое венчурная студыя AppleJack Lab? Чым вы адрозніваецеся ад класічных венчурных фондаў?
— AppleJack Lab — гэта венчурная студыя прыкладной навукі. Прасцей кажучы, мы самі прыдумляем ідэі стартапаў, правяраем іх на жыццяздольнасць і збіраем каманды, якія могуць ператварыць гэтыя ідэі ў працуючы бізнес. Мы суправаджаем праект ад першых прататыпаў да выхаду на глабальны рынак.
Мы не фонд і не акселератар у звыклым разуменні. Фонды інвестуюць у ўжо існуючыя кампаніі. Мы ж ствараем кампаніі з нуля: генеруем ідэі, валідуем іх, падбіраем фаўндараў і спецыялістаў, забяспечваем стартавы капітал, інфраструктуру і падтрымку маштабавання.
Наша асаблівасць — глыбокая сувязь з навукай. Мы бяром распрацоўкі з лабараторый і ператвараем іх у прадукты, якія можна вывесці на рынак і маштабаваць.
Апроч асноўнай дзейнасці, мы таксама падтрымліваем навуку і актыўна развіваем стартап-экасістэму. Мы дапамагаем заснавальнікам на розных стадыях развіцця і ствараем асяроддзе, у якім навука і прадпрымальніцтва ўзаемна ўзмацняюць адзін аднаго. Такі падыход дазваляе нам не толькі запускаць уласныя праекты, але і умацоўваць супольнасць вакол інавацый і глыбокіх тэхналогій. Напрыклад, у рамках супрацоўніцтва з EIT.
— А можна пару словаў пра EIT? Што гэта за арганізацыя і якія магчымасці яна дае стартапам?
— Еўрапейскі інстытут інавацый і тэхналогій, або скарочана EIT, — гэта ініцыятыва Еўрапейскага Саюза, створаная для таго, каб падтрымліваць прадпрымальніцтва і дапамагаць навуковым распрацоўкам выходзіць на рынак. Па сутнасці, гэта вялікая экасістэма, якая аб’ядноўвае вядучыя ўніверсітэты, даследчыя цэнтры і кампаніі па ўсёй Еўропе.
Для стартапаў EIT — гэта не проста крыніца фінансавання. Гэта доступ да супольнасці экспертаў, да адукацыйных і акселерацыйных праграм, да індустрыяльных і інвестыцыйных партнёраў. Найчасцей менавіта EIT робіцца ініцыятарам і ключавым партнёрам праграм, якія дапамагаюць маладым камандам ператварыць ідэі ў рэальныя прадукты і маштабаваць іх.
— Як вы сталі партнёрамі EIT і лідарамі HealthTech-напрамку ў іх праграме?
— Гэта лагічны працяг нашай стратэгіі. Мы бачым вялікі патэнцыял у сферы HealthTech і адначасова — разрыў паміж моцнай навуковай базай і яе камерцыялізацыяй. У Applejack LAB ёсць уласныя ініцыятывы ў гэтым напрамку, і нам быў патрэбны моцны еўрапейскі партнёр, каб аб’яднаць на адной пляцоўцы навукоўцаў, клініцыстаў, інжынераў і інвестараў.
Сумесна з партнёрамі мы запусцілі REWIRE — гібрыдную праграму прэінкубацыі для даследчыкаў у галіне лічбавай аховы здароўя. Наша роля — каардынаваць HealthTech-напрамак, выбудоўваць трэк выхаду на рынак і падрыхтоўкі да інвестыцый, прыцягваць клінічную экспертызу і дапамагаць камандам арыентавацца ў еўрапейскіх грантавых магчымасцях.
Мы звярнуліся да EIT з канкрэтнай прапановай — стварыць праграму для HealthTech-стартапаў, адкрытую для каманд з розных краін Еўропы. Асабліва гэта важна для праектаў з нашага рэгіёна, дзе ёсць моцныя навуковыя кадры, але часта не хапае сувязяў з глабальнай экасістэмай.
– Чаму для вас важная падобная падтрымка экасістэмы?
— Мы рэалізуем такія ініцыятывы (уключаючы грантавыя трэкі EIT і іншыя еўрапейскія механізмы) таму, што апроч працы студыі і стварэння прадуктаў нам важна развіваць навуку Цэнтральнай і Усходняй Еўропы.
Наша задача — выбудоўваць устойлівыя масты паміж лабараторыямі, клінікамі і ўніверсітэтамі рэгіёна і светам бізнесу і венчурнага капіталу: пераводзіць адкрыцці ў валідацыю, пілоты і рынкавыя рашэнні. Для гэтага мы стварылі Innovator Academy — адукацыйнае асяроддзе для даследчыкаў і інжынераў, — а зараз фарміруем асобны трэк міжнародных праграм і партнёрстваў (у тым ліку праз EIT/Horizon Europe), каб камандам было прасцей выходзіць на еўрапейскую сцэну і прыцягваць рэсурсы для маштабавання.
– Хто можа прыняць удзел у праграме?
— Для ўдзелу ў праграме ёсць тры ўмовы:
Дадам, што запіс у цяперашнюю праграму EIT Digital заканчваецца 15 верасня, [форма для запісу]. Таму мы хочам праінфармаваць людзей пра гэтую магчымасць. Жадаючыя паўдзельнічаць могуць напісаць нам, мы з задавальненнем дапаможам ім са стварэннем заяўкі.
Пры гэтым 15 верасня — гэта не «кропка незвароту». Падобныя праграмы ў галіне HealthTech будуць запускацца рэгулярна, і мы плануем і далей актыўна супрацоўнічаць з EIT.
— Калі нейкі стартап вырашыць з вамі працаваць, што ён атрымае? Гэта проста шанец на атрыманне фінансавання ці нешта яшчэ?
— Фінансаванне — гэта толькі частка гісторыі. На самай справе каманда атрымлівае значна больш: сістэмную падрыхтоўку і доступ да міжнароднай экасістэмы. Мы разам з экспертамі дапамагаем прапрацаваць ключавыя аспекты — ад IP і клінічнай валідацыі да бізнес-мадэлі і падрыхтоўкі пераканаўчай інвестарскай прэзентацыі. Паралельна адкрываем трэк еўрапейскіх грантаў, такіх як Horizon Europe або EIC, і падтрымліваем у падачы заявак.
Кульмінацыяй будзе вочны Bootcamp у Лісабоне падчас Web Summit: гэта ўнікальная магчымасць сустрэцца з інвестарамі, венчурнымі фондамі, клінічнымі і індустрыяльнымі партнёрамі. Завершыць праграму Demo Day, дзе каманды прэзентуюць свае рашэнні перад запрошаным журы і інвестарамі.
І што асабліва важна — на гэтым падтрымка не заканчваецца. Мы працягнем працаваць з найбольш перспектыўнымі камандамі, дапамагаючы дапрацаваць прадукт, выйсці на пілоты і маштабавацца. Усе выдаткі на ўдзел у праграме пакрываюцца, уключаючы пражыванне падчас вочнага блока. А новыя сувязі, веды і экспертыза застаюцца з камандай і працуюць на яе нават пасля завяршэння праграмы.
— Колькі часу зойме ўвесь працэс, ад падачы заяўкі да прыняцця рашэння аб інвеставанні?
— Заяўкі прымаюцца да 15 верасня, праграма стартуе 22-га. На працягу шасці тыдняў ідзе прэ-інкубацыя, дзе мы дапамагаем камандам дапрацаваць свае праекты. Фінал — Bootcamp і DemoDay у Лісабоне 13 лістапада, дзе журы абярэ лепшыя 2–3 стартапы, якія атрымаюць фінансаванне.
Пры гэтым нават тыя, хто не апынецца сярод пераможцаў, могуць разлічваць на падтрымку ад запрошаных экспертаў, інвестараў і самой студыі AppleJack Lab для далейшага развіцця.
— На што ў першую чаргу звяртаюць увагу інвестары пры ацэнцы медыцынскіх і іншых HealthTech-стартапаў?
— У першую чаргу інвестары глядзяць на каманду і фаўндара — іх кампетэнцыі, досвед і здольнасць давесці праект да выніку. У HealthTech гэта асабліва важна, бо галіна складаная і патрабуе спалучэння экспертызы ў медыцыне, тэхналогіях і бізнесе.
Другі крытычны фактар — рэгулятарныя патрабаванні і бяспека дадзеных. Інвестары ацэньваюць, ці разумее каманда, як працаваць з медыцынскімі стандартамі, сертыфікацыяй і прававымі нормамі. Без гэтага праект проста не выйдзе на рынак.
Трэці момант — ці можна ўвасобіць рашэнне ў жыццё, колькі гэта будзе каштаваць і як хутка прадукт зможа дайсці да карыстальнікаў.
І, вядома, ключавое пытанне — маштабаванасць і рэальная клінічная патрэба. Інвестары хочуць бачыць, што стартап вырашае сапраўдную праблему, з якой сутыкаюцца людзі або медыцынскія ўстановы, і што за яе рашэнне сапраўды гатовы плаціць.
— Што б вы параілі патэнцыйным удзельнікам праграмы?
— Сфакусуйцеся на адным клінічным або навуковым кейсе і пакажыце траекторыю ад гіпотэзы да валідацыі. Важна зразумела сфармуляваць каштоўнасць патэнцыйнага прадукту для пацыента/карыстальніка. Астатняе мы з партнёрамі дапаможам структураваць у працэсе праграмы.
Рэлацыраваліся? Цяпер вы можаце каментаваць без верыфікацыі акаўнта.