«Хачу пасвіць гусей». Топ-10 кампаній, куды айцішнікі (не) хочуць трапіць у 2026. І чаму

Хітрасць асабліва не спрацавала. Самы часты адказ — ні ў якую! Кожны чацвёрты-пяты аддаў бы перавагу застацца ў сваёй кампаніі — што гэта, лянота ці патрыятызм?

Кожны шосты, так і быць, пайшоў бы ў Google. Прыкладна 8-9% рэспандэнтаў згадзіліся на SpaceX і CD Projekt Red. У Netflix, Microsoft, Apple і Perplexity — і таго менш. І амаль ніхто не хоча ў Open AI і Meta! Горш справы толькі ў EPAM з Amazon.

Зрэшты, многія паставіліся да пытання вельмі сур’ёзна і накідалі свае варыянты, якіх ім не прапанавалі. Там — SAP, Bloomberg, Cursor, Cloudflare, Blackberry, Goodbuy Kansas, Unfrozen, Valve.

Вось чаму айцішнікі хочуць туды, куды хочуць:

Google

• «Меншае зло»
• «Не палаю любоўю да Гугла, але з усіх пералічаных ён менш за ўсё касячыць. Трэба гэта выправіць!»
• «Працую з AI, хацеў бы працягнуць, але ў вялікай прадуктовай кампаніі».
• «Вялікая зарплата, тэхнічная кампанія, шмат магчымасцяў, на піку ўсяго».
• «Ствараюць самы лепшы прадукт у маёй сферы».
• «I’m working there».

Cursor

«Моцна веру ў іх вялікі поспех і іх прадуктам карыстаюся сам пастаянна. І гэта пакуль не такая вялізная карпарацыя, як Anthropic ці Google».

SpaceX

• «Цікавая сфера дзейнасці кампаніі».
• «Летуценнік».
• «Адзіная са спіса адказвае за прагрэс чалавецтва як віду, а не абслугоўвае грамадства спажывання».

Blackberry

«qnx, embedded».

Perplexity

«Добрыя рэчы робяць».

Meta

«Ёсць знаёмыя».

Unfrozen

«На Unity распрацоўваюць крутыя гульні».

Netflix

• «У іх пастаянна нестандартныя рашэнні».
• «Люблю кіно».
• «Грошы, статус»

Microsoft

• «Стабільнасць, высокія зарплаты, офіс у Польшчы»
• «Як ні круці, але большую долю добрых інструментаў у IT рабіла і робіць менавіта Microsoft. Плюс зараз яны часткова сталі open source, што ўдвая павялічыла буст».
• «Стэк у маім напрамку; кампанію некалькі разоў прызнавалі лепшым працадаўцам; яшчэ з падлеткавага ўзросту было цікава, як менавіта Майкрасофт уладкаваны знутры».

Open AI

«Актыўна карыстаюся іх прадуктамі».

Goodbuy Kansas

«Лепшая студыя графікі ў свеце».

CD Projekt Red

• «Мару аб гэймдэве, але зараз франтэндзер ангуляр».
• «Звязана з відэагульнямі, размешчаны адносна блізка да маёй радзімы».
• «Вартыя праекты, не настолькі глыбока зайшло выкарыстанне AI».

Apple

«Падабаецца іх прадукцыя».

Valve

«Унікальная кампанія па ўладкаванні, плюс люблю геймдэв».

Пераможца ў намінацыі — «застануся ў сваёй кампаніі»:

• «Не люблю вялізныя карпарацыі».
• «Ад дабра дабра не шукаюць».
• «Працуе — не чапай, жыццё і так невясёлае».
• «Ёсць досвед працы ў буйных кампаніях. Яны развітыя, але моцна завязаныя на свае ўнутраныя інструменты, якія па-за гэтымі кампаніямі не патрэбныя».
• «Не хачу ў патагонку трапіць. Па мне, можна і ў меншых кампаніях нядрэнна зарабляць і мець нашмат менш стрэсу».
• «Добры work-life balance і грошай хапае».
• «Шмат плацяць».
• «Таму што мне і ў Гугле добра».

«Ну іх усіх!»

Але не ўсе хочуць у вялікія/вядомыя карпарацыі. У некаторых запыты па сутнасці:

• «Адназначна нешта маленькае, лакальнае, магчыма нават стартап. Ну, або [хацеў бы] сысці ў іншыя сферы, не звязаныя з ІТ».
• «[Хачу працаваць] там, дзе цікавыя задачы, life balance, шмат грошай».
• «Добрая прадуктовая кампанія, якая ўжо вырасла са стартапа і прыносіць прыбытак».

А пара-тройка чалавек парвала шаблон, паслаўшы карпарацыі куды падалей:

• «Я выгарэў, ну іх усіх нафіг».
• «Ні ў якую, хачу пасвіць гусей і даўншыфціць, а не працаваць на карпарацыі зла».

Так і запішам: «Навагодняе жаданне імярэк: пасвіць гусей».