Алеся Чапкевич world 26 лістапада 2025, 11:38

HP скароціць да 6 тысяч супрацоўнікаў з-за ШІ

HP скароціць ад 4 да 6 тысяч чалавек на фоне інтэнсіўнай інтэграцыі штучнага інтэлекту да канца фіскальнага 2028 года. Пра гэта кампанія абвясціла падчас фінансавай справаздачы 25 лістапада.

1 каментарый

HP скароціць да 6 тысяч супрацоўнікаў з-за ШІ

HP скароціць ад 4 да 6 тысяч чалавек на фоне інтэнсіўнай інтэграцыі штучнага інтэлекту да канца фіскальнага 2028 года. Пра гэта кампанія абвясціла падчас фінансавай справаздачы 25 лістапада.

HP разлічвае зэканоміць на звальненнях каля $1 млрд да 2028 года. Выдаткі, звязаныя з рэструктурызацыяй, па яе ацэнках, складуць каля $650 млн.

Шляхам укаранення ШІ кампанія хоча «палепшыць задаволенасць кліентаў, прадуктовыя інавацыі і прадуктыўнасць». Грошы будзе эканоміць за кошт скарачэння штату, спрашчэння платформаў і кансалідацыі праграм.

Гендырэктар HP Энрыке Ларэс адзначыў, што два гады таму кампанія пачала рэалізоўваць пілотныя праекты па выкарыстанні ШІ. Там прыйшлі да высновы, што пад яго трэба перабудоўваць працэсы, але калі гэта зрабіць, то агентны ШІ прыносіць вельмі адчувальную карысць.

Ларэс дадаў, што кампанія ўпэўнена завяршыла 2025 фінансавы год і нарасціла прыбытак у другім паўгоддзі ў параўнанні з першым, а ў 2026-м плануе расці хутчэй за рынак. «У нас ёсць значная магчымасць убудаваць ШІ ва ўсё, што мы робім, і трансфармаваць кампанію», — заявіў ён.