У 2025 годзе грамадзянства Польшчы атрымалі больш за 19 тысяч замежнікаў, у тым ліку больш за 10 тысяч украінцаў і 6,5 тысяч беларусаў. Такія звесткі прыводзіць Portal Samorządowy са спасылкай на МУС краіны.
У 2025 годзе грамадзянства Польшчы атрымалі больш за 19 тысяч замежнікаў, у тым ліку больш за 10 тысяч украінцаў і 6,5 тысяч беларусаў. Такія звесткі прыводзіць Portal Samorządowy са спасылкай на МУС краіны.
Беларусы сталі другой па колькасці групай замежнікаў, якія атрымалі польскае грамадзянства. За імі ідуць расейцы — 759 чалавек.
У статыстыку ўключаны замежнікі, якія сталі грамадзянамі дзвюма магчымымі працэдурамі — паводле рашэння ваяводы і прэзідэнта. Большасць скарысталіся магчымасцю атрымаць грамадзянства праз карту паляка і польскую пастаянную рэгістрацыю.
Больш за 5 тысяч з усіх новых грамадзян Польшчы былі непаўналетнімі.
Як адзначае партал, польскі МУС працуе над зменамі ў заканадаўства, якія ўзмацняць патрабаванні для прэтэндэнтаў на грамадзянства, у тым падаўжэнне тэрміну законнага пражывання і экзамен па гісторыі і канстытуцыйных каштоўнасцях.
Релоцировались? Теперь вы можете комментировать без верификации аккаунта.