У 2025 годзе грамадзяне Беларусі атрымалі 34,2 тысячы ВНЖ у Польшчы — на 18,3% менш, чым годам раней. Пра гэта паведамляюць незалежныя беларускія медыя са спасылкай на дадзеныя польскага міграцыйнага партала.
У 2025 годзе грамадзяне Беларусі атрымалі 34,2 тысячы ВНЖ у Польшчы — на 18,3% менш, чым годам раней. Пра гэта паведамляюць незалежныя беларускія медыя са спасылкай на дадзеныя польскага міграцыйнага партала.
Часовы від на жыхарства атрымалі 28,7 тысячы беларусаў, 4,8 тысячы — ПМЖ, 708 беларусаў сталі ўладальнікамі карты доўгатэрміновага рэзідэнта ЕС.
Пры гэтым у 2025 годзе беларусы падалі на 27% заяў на ВНЖ больш, чым у 2024-м — 83,3 тысячы супраць 65,6 тысячы.
Усяго ў мінулым годзе было вынесена 39,9 тысячы рашэнняў па заяўках ад беларусаў. Доля адмоў у іх адносна невялікая — менш за 11%.
Таксама, паводле статыстыкі міграцыйнай службы, на якую спасылаюцца беларускія медыя, у 2025 годзе 2993 грамадзяніна Беларусі папрасілі ў Польшчы міжнародную абарону. Гэта амаль на траціну менш, чым за папярэдні год. Атрымаць абарону змаглі 1737 беларусаў — таксама на траціну менш, чым у 2024-м.
Адмовы ў такіх просьбах таксама нячастыя — за год іх атрымалі 112 чалавек, гэта менш за 6% разгледжаных спраў беларусаў. Разгляд 180 спраў быў прыпынены, гэта 9% усіх выпадкаў. Беларусы — самая буйная група атрымальнікаў МА ў Польшчы. На другім месцы ідуць украінцы — ім ухвалілі 1,5 тысячы заявак, 2,8 тысячы атрымалі негатыўнае рашэнне.
Релоцировались? Теперь вы можете комментировать без верификации аккаунта.