IBM: дзякуючы АІ для ўваходу ў ІТ больш не патрэбная «паперка»
Каб знайсці працу ў сферы тэхналогій, больш не трэба атрымліваць профільны дыплом: стварэнне прадуктаў людзям без адпаведнага бэкграўнду моцна палегчыць штучны інтэлект. Такое меркаванне ў інтэрв’ю Fortune выказаў глабальны кіраўнічы партнёр па генератыўным АІ у IBM Consulting Мэцью Кэндзі.
«Павялічыцца хуткасць, з якой людзі змогуць прыдумляць і правяраць свае ідэі, ствараць нешта. Для гэтага не будзе патрэбы ў дыпломе па ІТ-дысцыплінах», — кажа Кэндзі.
Спецыяліст лічыць, што ў выніку развіцця АІ важнасць атрымаюць гуманітарныя навыкі, такія як крытычнае і творчае мысленне: «Цікаўнасць, крэатыўнасць і інавацыйнасць будуць надзвычай важныя, бо АІ вызваліць больш рэсурсаў для працэсу творчага мыслення».
Дзякуючы АІ, напрыклад, генератарам выяў, больш людзей зможа ўвайсці не толькі ў айцішныя прафесіі, але і ў мастацтва. Так, можна будзе працаваць графічным дызайнерам, не будучы ім па прафесіі і адукацыі, адзначае Кэндзі.
Ён далёка не адзіны прадстаўнік свету ІТ, які кажа пра важнасць гнуткіх навыкаў. Раней аналагічны пункт гледжання выказвалі супрацоўнікі OpenAI і LinkedIn.
Читать на dev.by