У Telegram-канале беларускага Міністэрства інфармацыі з’явіўся пост з меркаваннем дзіцячых праваабаронцаў наконт Roblox — анлайн-платформы, якая дазваляе ствараць гульні і гуляць у створаныя іншымі карыстальнікамі. Там назвалі платформу небяспечнай і выдалі цэлы шэраг прычын.
У Telegram-канале беларускага Міністэрства інфармацыі з’явіўся пост з меркаваннем дзіцячых праваабаронцаў наконт Roblox — анлайн-платформы, якая дазваляе ствараць гульні і гуляць у створаныя іншымі карыстальнікамі. Там назвалі платформу небяспечнай і выдалі цэлы шэраг прычын.
Напрыклад, у Roblox дзеці камунікуюць з незнаёмцамі, а яны могуць аказацца дарослымі, якія выдаюць сябе за іх аднагодкаў. Да дзяцей могуць убівацца ў давер і маніпуляваць імі — напрыклад, угаворваць перайсці ў Discord ці Telegram, а потым шантажаваць і пагражаць. А яшчэ дзяцей могуць выкарыстоўваць у махлярскіх схемах — ад фішынгу да ўцягвання ў злачынныя дзеянні.
Акрамя таго, у Roblox ёсць убудаваныя пакупкі. Эксперты Мінінфарма называюць унутрыгульнявую валюту Robux ідэальным інструментам для выкачвання грошай з дзяцей. Таксама платформу абвінавачваюць у распаўсюджванні небяспечнага кантэнту — маўляў, нягледзячы на ўзроставы цэнз там «поўна сцэн гвалту, сексуалізаваных аватараў і гульняў «для дарослых».
«З-за гэтага Roblox рэгулярна трапляе ў поле зроку рэгулятараў, як асяроддзе з павышанымі рызыкамі для непаўналетніх», — гаворыцца ў посце. Напрыканцы аўтары заклікалі бацькоў праводзіць гутаркі з дзецьмі і ў цэлым ведаць, у што яны гуляюць і з кім камунікуюць.
У мінулым снежні Roblox афіцыйна заблакавалі ў Расіі. Раскамнадзар заявіў, што на платформе выявілі шматлікія выпадкі распаўсюджвання матэрыялаў, якія ведамства палічыла забароненымі. Адзначалася, што кантэнт меў экстрэмісцкі характар, прапагандаваў гвалт і закранаў непажаданыя тэмы, уключаючы ЛГБТ-тэматыку.
Рэлацыраваліся? Цяпер вы можаце каментаваць без верыфікацыі акаўнта.