Кіраўнік упраўлення інфармацыі і грамадскіх сувязяў МУС Наталля Сахарчук у эфіры дзяржТВ растлумачыла, чаму ў ведамстве лічаць Threads пагрозай бяспецы і за якія пасты можа быць адказнасць.
Кіраўнік упраўлення інфармацыі і грамадскіх сувязяў МУС Наталля Сахарчук у эфіры дзяржТВ растлумачыла, чаму ў ведамстве лічаць Threads пагрозай бяспецы і за якія пасты можа быць адказнасць.
«Сёння гэта сапраўды пагроза бяспецы. Чаму? Таму што многія людзі ўвогуле не разумеюць гэтую сацыяльную сетку. У Threads, згодна з апошнімі даследаваннямі, асноўная ўзроставая катэгорыя — 30-40 гадоў. Гэта найбольш актыўная катэгорыя, якая таксама хоча быць у трэндзе», — адзначыла Сахарчук.
Паводле яе, сёння ўсе зразумелі, што дастаткова «напісаць нейкую эсэмэску ў Threads» — ад непрыемных прадуктаў на паліцы да касога позірку супрацоўніка ДАІ — і як быццам бы ведамства павінна на ўсё рэагаваць. Але насамрэч, «мяжа павінна быць у галаве кожнага чалавека», і пісаць трэба толькі тады, калі ёсць відэа ці звесткі пра злачынствы і парушэнні.
«Але не, на жаль, усе хочуць сябе раскруціць. Усе забываюць пра элементарнае правіла: за ўсе свае словы трэба адказваць», — адзначыла прадстаўніца МУС. Яна дадала, што ў ведамстве не раз выяўлялі пасты, за якія людзі атрымлівалі адміністратыўныя пакаранні.
«А я хачу сказаць, што можна быць прыцягнутым не толькі да адміністратыўнай адказнасці, але і да крымінальнай. Таму што трэба думаць галавой, што вы размяшчаеце ў любой сацыяльнай сетцы, таму што наступствы сябе не прымусяць чакаць», — папярэдзіла Сахарчук.
«Закон для ўсіх аднолькавы. Проста хацелася б нагадаць усім нашым тэлегледачам, што супрацоўнікі міліцыі працуюць 24 на 7. І дакладна так жа 24 на 7 яны праводзяць маніторынг інтэрнэт-прасторы. Прычым мы практычна прысутнічаем усюды. І бачым, дзе што пішуць, як пішуць. І, канешне ж, калі гэта сапраўды інфармацыя, на якую неабходна рэагаваць, рэагаванне адбываецца імгненна», — падагульніла яна.
Релоцировались? Теперь вы можете комментировать без верификации аккаунта.
А я вас Наталия Сахарук и МВД в Threads не боюсь. Мониторьте церберы.
Думаете, "церберы" здесь не мониторят?
и куда делась вкладка "отзывы о компаниях"?
все, сдулись...