Стартап прадставіў функцыю My Computer, якая дазваляе яго аўтаномнаму агенту працаваць непасрэдна на лакальным камп’ютары карыстальніка. Абнаўленне стала часткай дэсктоп-аплікацыі Manus Desktop і ўжо даступна для прылад на macOS і Windows.
Стартап прадставіў функцыю My Computer, якая дазваляе яго аўтаномнаму агенту працаваць непасрэдна на лакальным камп’ютары карыстальніка. Абнаўленне стала часткай дэсктоп-аплікацыі Manus Desktop і ўжо даступна для прылад на macOS і Windows.
Раней агент Manus функцыянаваў выключна ў воблачным асяроддзі, дзе меў доступ да браўзера, файлавай сістэмы і каманднага радка ўнутры ізаляванай «пясочніцы». Цяпер сістэма атрымала магчымасць узаемадзейнічаць з лакальнымі рэсурсамі: чытаць, рэдагаваць і структураваць файлы, запускаць каманды ў тэрмінале і кіраваць усталяванымі аплікацыямі. Паводле слоў распрацоўшчыкаў, гэта ліквідуе ключавое абмежаванне воблачнай мадэлі, паколькі большая частка працоўных дадзеных карыстальнікаў захоўваецца менавіта на персанальных прыладах.
Today, we’re taking Manus out of the cloud and putting it on your desktop.
— Manus (@ManusAI) March 16, 2026
Introducing My Computer, the core feature of the new Manus Desktop app. It’s your AI agent, now on your local machine. pic.twitter.com/OaWU4imk3Q
Новая функцыя таксама дазваляе задзейнічаць вылічальныя магутнасці самога камп’ютара, уключаючы лакальныя GPU. Гэта адкрывае магчымасць запускаць задачы машыннага навучання, аўтаматызаваць распрацоўку аплікацый і выконваць складаныя працоўныя сцэнарыі без перадачы дадзеных у воблака. Manus можа, напрыклад, аўтаматычна рассартаваць тысячы файлаў, перайменаваць дакументы па зададзеных правілах ці стварыць паўнавартасную праграмную аплікацыю праз каманды ў тэрмінале.
У кампаніі заяўляюць, што кіраванне дзеяннямі агента застаецца ў карыстальніка. Кожная аперацыя патрабуе асобнага дазволу — можна пацвярджаць каманды па адной ці загадзя дазваляць паўтаральныя задачы. Такая мадэль павінна знізіць асцярогі, звязаныя з бяспекай і доступам да лакальных дадзеных.
Аналітыкі адзначаюць, што перанос ШІ-агентаў на ўзровень персанальных камп’ютараў можа ўзмацніць канкурэнцыю на рынку інструментаў аўтаматызацыі. Manus пазіцыянуе сваё рашэнне як універсальнага «аперацыйнага агента», які здольны адначасова каардынаваць воблачныя сэрвісы — напрыклад, Gmail і Google Calendar — і лакальныя працэсы. Гэта паказвае шырокі трэнд у індустрыі: пераход ад чат-ботаў да агентных сістэм, якія выконваюць рэальныя дзеянні ў лічбавай інфраструктуры карыстальніка.
Рэлацыраваліся? Цяпер вы можаце каментаваць без верыфікацыі акаўнта.