AI-стартап Databricks сабраў больш інвестыцый за OpenAI

Раўнд фінансавання, які ўзначаліў фонд Thrive Capital Джошуа Кушнера, прыцягнуў інвестыцыі ад такіх вядомых інвестараў, як Andreessen Horowitz, DST Global, GIC, Insight Partners і WCM Investment Management. Таксама ўдзельнічалі Ontario Teachers' Pension Plan і новыя інвестары ICONIQ Growth, MGX, Sands Capital і Wellington Management. Гэты раўнд стаў адным з найбуйнейшых у гісторыі венчурнага фінансавання, перавысіўшы $6,6 мільярда, прыцягнутых OpenAI у кастрычніку.

Большая частка прыцягнутых сродкаў будзе выкарыстаная для таго, каб дазволіць супрацоўнікам абнаявіць свае акцыі, якія складаюць значную частку ўзнагароджання ў стартапах і маюць абмежаваны тэрмін дзеяння. Астатнія сродкі кампанія плануе выкарыстаць для наймання найлепшых спецыялістаў у галіне АІ, інвестыцый у новыя прадукты на аснове АІ і патэнцыйных магчымасцяў зліцця і паглынання для стартапаў.

Databricks чакае, што да наступнага фінансаваму квартала дасягне гадавога даходу ў $3 мільярды. Кампанія таксама прагназуе выручку ў памеры $3,8 мільярда ў наступным фінансавым годзе. Для параўнання: OpenAI прагназуе гадавыя страты ў памеры каля $5 мільярдаў. Паводле слоў гендырэктара кампаніі Алі Годсі, Databricks, хутчэй за ўсё, стане публічнай у будучыні, але дакладная дата IPO пакуль не вызначаная.

Databricks была заснаваная ў 2013 годзе. Кампанія дае інструменты ў галіне аналізу даных і штучнага інтэлекту. Сярод яе кліентаў такія карпарацыі, як Block, Comcast, Rivian і Shell. Databricks канкуруе з кампаніяй Snowflake, рынкавая капіталізацыя якой складае каля $57 мільярдаў. Платформа Lakehouse з’яўляецца асноўным прадуктам кампаніі, які аб’ядноўвае сховішча даных і рашэнні ў галіне штучнага інтэлекту.