АІ-стартап Perplexity AI прапанаваў зліццё з TikTok

Паводле крыніц CNBC, знаёмых з планамі Perplexity, новая структура дазволіць большасці існых інвестараў ByteDance захаваць свае долі і дадасць больш відэакантэнту на платформу стартапа. Perplexity AI лічыць, што іх прапанова можа быць паспяховым, паколькі гэта зліццё, а не продаж.

Perplexity AI, які канкуруе з OpenAI і Google, — гэта пошукавая сістэма, якая выкарыстоўвае вялікія моўныя мадэлі, каб забяспечыць хуткія адказы на запыты карыстальнікаў са спасылкамі на крыніцы. Кампанія была створаная ў 2024 годзе з ацэнкай прыкладна ў $500 мільёнаў, а пры канцы года яе ацэнка вырасла да $9 мільярдаў, дзякуючы ўсё большай цікавасці інвестараў да генератыўнага АІ.

Адзін з фаўнадараў — беларус Дзяніс Ярац.

Раней абраны прэзідэнт ЗША Дональд Трамп заявіў, што, хутчэй за ўсё, дасць TikTok 90-дзённую адтэрміноўку для пошуку пакупніка ў ЗША. Паводле  слоў крыніцы, знаёмай з сітуацыяй, «справядлівая цана ўгоды «значна перавышае $50 мільярдаў», але канчатковая сума будзе залежаць ад таго, якія з існых акцыянераў ByteDance захочуць застацца ў складзе новай структуры, а якія захочуць атрымаць выплаты.