Аддзел навін 13 сакавіка 2025, 15:05

ШІ-стартапы Крамянёвай даліны змагаюцца з бігтэхамі за індыйскіх айцішнікаў

Стартап-аднарог Motive Technologies з Сан-Францыска распрацоўвае софт для кіравання аўтапаркам, персаналам і выдаткамі грузавых кампаній і плануе больш чым у два разы павялічыць свой штат у Індыі. Як піша Bloomberg, апошнім часам у гэтай азіяцкай краіне ўсё больш пашыраюцца ШІ-стартапы Крамянёвай даліны. Больш за 300 чалавек, якіх хоча наняць Motive у найбліжэйшыя два гады, далучацца да прадуктовых, інжынерных і ШІ-каманд у яго цэнтры распрацоўкі ў Бангалоры.

2 каментарыя

ШІ-стартапы Крамянёвай даліны змагаюцца з бігтэхамі за індыйскіх айцішнікаў

Стартап-аднарог Motive Technologies з Сан-Францыска распрацоўвае софт для кіравання аўтапаркам, персаналам і выдаткамі грузавых кампаній і плануе больш чым у два разы павялічыць свой штат у Індыі. Як піша Bloomberg, апошнім часам у гэтай азіяцкай краіне ўсё больш пашыраюцца ШІ-стартапы Крамянёвай даліны. Больш за 300 чалавек, якіх хоча наняць Motive у найбліжэйшыя два гады, далучацца да прадуктовых, інжынерных і ШІ-каманд у яго цэнтры распрацоўкі ў Бангалоры.

Карпарацыі накшталт Meta і Microsoft таксама вельмі зацікаўлены ў Індыі — адным з сусветных лідараў па колькасці ШІ-інжынераў, якіх яны наймаюць для паскарэння распрацоўкі прадуктаў і інавацый. Асабліва іх прыцягвае Бангалор, размешчаны на поўдні краіны, дзе ў пашырэнне плошчаў і наём ШІ-спецыялістаў амерыканскія бігтэхі ўкладаюць мільярды даляраў.

У Motive адзначаюць, што па канцэнтрацыі ШІ-талентаў Бангалор — галоўны тэхнахаб краіны — можа супернічаць з вобласцю Затокі. І калі кампанія не мае тут свайго прадстаўніцтва, гэта — стратэгічная памылка.

Аналітыкі IDC ацэньваюць кумулятыўны эфект ад ШІ для сусветнай эканомікі да 2030 года ў $19,9 трлн, але недахоп спецыялістаў можа запаволіць укараненне тэхналогіі. Паводле прагнозаў Bain & Co, да 2027 года ў ЗША будзе запоўнена толькі палова ўсіх ШІ-вакансій. У Індыі ж дэфіцыт кваліфікаваных кадраў у гэтай сферы да таго часу дасягне мільёна чалавек.

Abbyy, які распрацоўвае ШІ-інструменты для працы з дакументамі, у гэтым месяцы адкрыў у Бангалоры R&D-цэнтр. Зараз у ім 65 пазіцый, але цягам года колькасць супрацоўнікаў падвоіцца. У бангалорскім цэнтры распрацоўкі Glean, стваральніка карпаратыўнага ШІ-асістэнта, яшчэ летась працавала каля 100 інжынераў. У гэтым годзе гэтую лічбу плануецца патроіць. Акрамя таго, у Бангалоры даследчыя цэнтры маюць ElevenLabs і AlphaSense. Усе згаданыя стартапы — аднарогі. Нядаўна, у сакавіку, офіс на 100 пазіцый, у тым ліку ў сферы ШІ і машыннага навучання, адкрыў Cognite — нарвежскі пастаўшчык ШІ-рашэнняў для буйнейшых энергетычных кампаній свету.