Індыя страціла сувязь з месяцаходам «Праг’ян»

Паводле даных арганізацыі, спецыялісты спрабавалі звязацца з модулем і месяцаходам, каб пераканацца, што апарат функцыянуе. Аднак дагэтуль яны не атрымалі ніякіх сігналаў. ISRO будзе прадпрымаць далейшыя спробы аднавіць сувязь.

Індыя адправіла місію «Чандраян-3» 14 ліпеня. 23 жніўня місія здзейсніла першую ў гісторыі краіны мяккую пасадку на Месяцы ў раёне малавывучанага паўднёвага полюса. У гэтым раёне могуць знаходзіцца запасы вадзянога лёду.

Месяцаход «Праг’ян» упершыню праехаў па паверхні спадарожніка 24 жніўня. На пачатку верасня ў яго ўзніклі праблемы з сувяззю. 2 верасня ISRO паведаміла, што апарат перавядуць у спячы рэжым. Ён меўся аднавіць працу 22 верасня.