Instagram плануе інтэграваць чат-бот з АІ

Рэвёрс-інжынер Алесандра Палузі апублікаваў скрыншоты, якія пацвярджаюць працу Instagram над чат-ботам. Калі даныя дакладныя, то Instagram стане адной з першых сацсетак, разам са Snapchat, якая ўкарэніць чат-бота. Заяўлены чат-бот мае дапамагчы карыстальнікам, якія маюць цяжкасці пры складанні паведамленняў.

Карыстальніку прапануюцца парады, як ён можа сфармуляваць аптымальны адказ. Бот будзе актуальны для карыстальнікаў, што шукаюць парады наконт моды, падарожжаў ды іншых тэм. Таксама карыстальнікі змогуць выбіраць паміж рознымі персанажамі бота, кожны з якіх валодае ўнікальным стылем камунікацыі.