Intel скарачае 15 тысяч супрацоўнікаў

Асноўная маса супрацоўнікаў будзе звольненая сёлета. Intel падае гэта як новую фазу сваёй стратэгіі шматгадовай трансфармацыі, у рамках якой яна засяродзілася на распрацоўцы прасунутых АІ-чыпаў і пашырэнні вытворчых магутнасцяў, у прыватнасці, арэндных.

Ужо ў 2025 годзе кампанія хоча знізіць аперацыйныя выдаткі і капітальныя выдаткі больш чым на $10 млрд. Таксама ад 4 квартала яна прыпыніць выплату дывідэндаў.

Па выніках гандлёвага дня ў чацвер на фоне несуцяшальнай фінансавай справаздачы за 2 квартал каціроўкі тэхнагіганта ўпалі на 7%, а на постмаркеце паваліліся на 20%, адзначае Reuters.