Сузаснавальнік Reddit Алексіс Аганян заявіў, што «большая частка інтэрнэту мёртвая». У падкасце TBPN ён раскрытыкаваў сучасную сетку за страту чалавечай прысутнасці і пераўтварэнне ў прастору, запоўненую ботамі і кантэнтам, створаным ШІ.
Сузаснавальнік Reddit Алексіс Аганян заявіў, што «большая частка інтэрнэту мёртвая». У падкасце TBPN ён раскрытыкаваў сучасную сетку за страту чалавечай прысутнасці і пераўтварэнне ў прастору, запоўненую ботамі і кантэнтам, створаным ШІ.
Паводле Аганяна, інтэрнэт перастаў быць месцам жывых зносін і абмену ідэямі. Ён адзначыў, што «шмат чаго з таго, што мы бачым анлайн, цяпер ствараецца не людзьмі, а ботамі або паўаўтаматычнымі сістэмамі», спасылаючыся на феномен, вядомы як dead internet theory — тэорыю «мёртвага інтэрнэту», згодна з якой большая частка трафіку ў сетцы прыходзіцца на ботаў.
Бізнесмен таксама звярнуў увагу на тое, што нават платформы, дзе раней панавалі жывыя зносіны, цяпер перапоўнены генератыўным кантэнтам — так званым «AI slop». «Інтэрнэт павінен быць супрацьлегласцю мёртвага — з жывымі гледачамі і жывым кантэнтам. Каб утрымліваць увагу, трэба доказ жыцця», — дадаў прадпрымальнік.
Аганян выказаў надзею, што ў будучыні з’явіцца новае пакаленне сацыяльных сетак, дзе людзі будуць «верыфікавана рэальнымі». «Наступнае пакаленне сацсетак будзе сапраўды чалавечым, таму што ўсе сапраўдныя зносіны ўжо адбываюцца ў групавых чатах», — сказаў ён. Бізнесмен адзначыў, што сёння ўсё больш зносін перамяшчаецца ў закрытыя групы і чаты: у Signal, Discord і іншыя аплікацыі, дзе карыстальнікі шукаюць сапраўдную, чалавечую сувязь.
Але нават там, паводле яго слоў, ужо з’яўляюцца сляды аўтаматызацыі: «Некаторыя людзі пачалі выкарыстоўваць ШІ, каб генераваць і рэдагаваць уласныя паведамленні. Нам патрэбна нешта новае, наступнае пакаленне гэтых платформаў, таму што менавіта там мы цяпер атрымліваем самую каштоўную інфармацыю».
Релоцировались? Теперь вы можете комментировать без верификации аккаунта.