Інвестар: 85% АІ-стартапаў выйдуць з гульні на працягу трох гадоў
У разгар АІ-гонкі бігтэх-кампаніі і маладыя стартапы навыперадкі выводзяць на рынак інавацыйныя прадукты. Але большасць стартапаў, якія спецыялізуюцца на штучным інтэлекце, хутчэй за ўсё, закрыецца, як і ў перыяд «бурбалкі даткомаў», мяркуе Кен Смайт, заснавальнік і кіраўнік нью-ёркскай венчурнай фірмы Next Round Capital Partners, якая займаецца інвестыцыямі ў тэхналагічныя і АІ-стартапы.
«Я б сказаў, многія сённяшнія стартапы, 85% з іх, згорнуць бізнэс на працягу трох гадоў. У іх скончыцца фінансаванне», — мяркуе Смайт.
Ён дадаў, што іх выцесняць ужо прысутныя на рынку кампаніі, напрыклад, Google, Open AI і Microsoft, Meta і Amazon, паколькі ў іх больш сродкаў. Гэта мільярды долараў, якія яны могуць выдаткаваць на распрацоўку AI, а стартапы залежаць ад вонкавых інвестыцый.
Ці сапраўды вы зможаце не адставаць і ўтрымліваць дастаткова навукоўцаў для стварэння камерцыйна жыццяздольнага інавацыйнага кода, каб спаборнічаць са мноствам буйных кампаній, якія вас проста задушаць?» — задаецца пытаннем эксперт. На яго думку, выйграюць тыя АІ-стартапы, якія аб’яднаюць намаганні з буйнымі кампаніямі, што валодаюць рэсурсамі і спецыялістамі з патрэбнай экспертызай.
Таксама Смайт перакананы, што АІ закране многія прафесіі і пераверне многія галіны, а таксама павысіць прадукцыйнасць супрацоўнікаў і знізіць выдаткі кампаній.
Читать на dev.by