iPhone 15 падтрымлівае правадное падключэнне да інтэрнэту

Паводле даных MacRumors, пры падключэнні iPhone 15 да кабеля Ethernet у праграме «Налады» з’яўляецца схаванае меню Ethernet з інфармацыяй, якая тычыцца IP і розных параметраў канфігурацыі. Адзін з карыстальнікаў паведаміў выданню, што пікавая хуткасць загрузкі перавысіла 800 Мбіт/с.

Служба падтрымкі Apple пацвердзіла гэтую інфармацыю. Раней папярэднія мадэлі iPhone з раздымам Lightning таксама мелі падтрымку Ethernet пры падключэнні праз адаптар. Усе мадэлі серыі iPhone 15 паступяць у продаж 22 верасня больш як у 40 краінах свету.