ІТ-адмыслоўцы расказалі, як прымяняюць АІ у пошуку працы
Некаторыя суіскальнікі пры пошуку працы карыстаюцца інструментамі штучнага інтэлекту — напрыклад, для водгуку на вакансіі і напісання суправаджальных лістоў. Згодна з профільнай амерыканскай асацыяцыяй CompTIA, якая апытала 1 тысячу рэспандэнтаў у ЗША, пакуль па дапамогу АІ звяртаюцца далёка не ўсе, але найбліжэйшымі гадамі трэнд можа атрымаць больш шырокае распаўсюджванне.
Часцей за ўсё АІ патрэбны суіскальнікам для паліроўкі рэзюмэ і генерацыі суправаджальных лістоў. Трохі радзей яго выкарыстоўваюць для супастаўлення наяўных і патрэбных навыкаў, усталявання кантакту з патэнцыяльнымі працадаўцамі, кар’ернага коўчынгу, а таксама аўтаматызацыі рассылання водгукаў і кіравання імі. Прыкладна ў 1,5-2 разы больш апытаных плануе прымяняць АІ у такіх мэтах.
Але тым, каму АІ дапамагае хутка генераваць рэзюмэ, лісты і водгукі, эксперты рэкамендуюць не шкадаваць сіл і часу, каб кастамізаваць іх пад канкрэтную вакансію і павысіць шанцы на поспех.
Поўная версія даклада CompTIA размешчаная па спасылцы.
Читать на dev.by