Алеся Чапкевич bel 3 лютага 2026, 11:30

Змяніліся правілы падачы на французскую візу для беларусаў

Пасольства Францыі паведаміла пра новую працэдуру падачы заявак на атрыманне візы з 2 лютага.

Функцыі па запісе на прыём для падачы візавых заяваў перададзены кампаніі TLScontact. Жадаючым наведаць Францыю або прадстаўленыя ёю краіны трэба будзе стварыць уліковы запіс на сайце візавага пасярэдніка і запоўніць кароткую анлайн-форму. Пры наяўнасці вольных месцаў ім будзе прызначана дата для падачы заяўлення на візу ў пасольстве.

Таксама спрошчаны працэдуры для некаторых груп насельніцтва і прыярытэтных катэгорый заяўнікаў, напрыклад для членаў сем’яў грамадзян ЕС. Турыстычныя групы, прадстаўленыя турагенцтвамі, будуць кантактавацца TLScontact для прызначэння сустрэчы пасля адабрэння заяўкі консульскімі службамі і ў залежнасці ад наяўнасці вольных месцаў.

TLScontact таксама адкрывае кол-цэнтр для падтрымкі і кансультацый па працэдуры падачы заяўкі і неабходных дакументах.

Змены павінны спрасціць атрыманне кароткатэрміновых або доўгатэрміновых шэнгенскіх віз у Францыю ў Беларусі. А яшчэ яны пераразмяркуюць працоўную нагрузку консульскага персаналу, што дазволіць апрацоўваць больш візавых заяваў.

Усе прызначаныя сустрэчы будуць праходзіць у Пасольстве Францыі ў Мінску — рашэнні па ўсім візавым заяўкам і катэгорыям па-ранейшаму прымае толькі яно.